Журавы і журавіны Міёршчыны

	Экалагічнае свята «Жураўлі і журавіны Міёрскага краю» ў 2026 годзе адбудзецца 19 верасня

З 2012 года ў верасні на Міёршчыне праводзіцца экалагічнае свята «Жураўлі і журавіны Міёрскага краю».

незвычайнага свята выбраны нездарма: менавіта ў верасні тут пачынаецца сезон збору журавін, а па запасах гэтых ягад мясцовае балота Ельня займае першае месца ў Беларусі. Акрамя гэтага, Міёршчына штогод прымае ў госці больш за 4000 шэрых журавоў і дзясяткі тысяч гусей розных відаў, якія прыпыняюцца на адпачынак на балоце Ельня падчас восеньскай міграцыі. Менавіта пра ягады і птушак - як пра ўнікальныя асаблівасці Міёршчыны і распавядаюць мясцовыя жыхары.

Для зручнасці дастаўляў усіх жадаючых з райцэнтра на навакольныя палі з птушкамі, якія харчуюцца там у светлы час сутак. Кожны мог паназіраць за вялікай колькасцю шэрых журавоў і зрабіць незабыўныя здымкі. Экскурсіі праводзілі прафесійныя арнітолагі.

Акрамя яркіх сустрэч з птушкамі, госці фестывалю маглі ўдзельнічаць у экалагічных гульнях, выбраць лепшую сядзібу Міёрскага раёна ў намінацыі "Багацце Ельні на нашым падвор'і", купіць на памяць пра свята зробленыя рукамі мясцовых майстроў сувеніры, а таксама паспрабаваць журавінавы морс, розныя прысмакі з журавін і закупіць гэтыя ягады пра запас на зіму. Таксама маглі выбраць «Міёрскую журавінку».

Аб рэспубліканскім ландшафтным заказніку "Ельня"

Заказнік «Ельня» знаходзіцца на тэрыторыі Мёрскага і Шаркаўшчынскага раёнаў Віцебскай вобласці (25301 га).

Заказнік быў створаны для захавання балота Ельня і яго наваколляў падчас асушальнай кампаніі. Заказнік "Ельня" з'яўляецца Рамсарскай тэрыторыяй, важнай для птушак міжнароднага значэння.

* Рамсарская тэрыторыя - гэта водна-балотныя ўгоддзі, якія маюць міжнароднае значэнне як месцы пражывання вадаплаўных і каляводных птушак.

* Тэрыторыя важная для птушак - гэта тэрыторыі, жыццёва неабходныя для выжывання папуляцыі аднаго або некалькіх відаў птушак падчас гнездавання, зімоўкі або міграцыі.

Балота "Ельня" - адно з найбуйнейшых верхавых балот у Беларусі і ўсёй Еўропе, на тэрыторыі якога больш за 100 азёр.

Балоту Ельня больш за 9000 гадоў.

Балоты называюцца верхавымі, таму што іх цэнтр узвышаецца над краем, часам на 7-9 м.

Цікавыя факты пра журавіны

Англійская назва журавін (Cranberry) у перакладзе азначае "Журавельная ягада". Такі назоў далі журавінам амерыканскія перасяленцы. Доўгія, тонкія кветкі журавін нагадвалі перасяленцам галаву і дзюбу журава.

Родавая назва журавін паходзіць ад грэчаскіх слоў "oxis" - востры, кіслы і "coccus" - шарападобны, гэта значыць даслоўна "кіслы шарык".

Добрыя спелыя журавіны падскокваюць, калі ўпадуць на цвёрдую паверхню. Таму на англійскай мове яе таксама часам называюць Bounceberry

Цікавыя факты пра журавоў

Шэры журавель - адна з найбуйнейшых птушак у Еўропе - вышыня да 140 см, размах крылаў - больш за 2 метры.

Журавы ночуюць на балотах, а днём кормяцца рэшткамі ўраджаю на навакольных палях у радыусе 20-30 км ад балота.

Гнёзды яны будуюць на зямлі альбо ў забалочаных месцах з неглыбокай вадой.

Журавы ствараюць пару на ўсё жыццё і трымаюцца адзін аднаго круглы год.

Кормяцца ягадамі, насеннем, насякомымі, малюскамі, іншымі дробнымі жывёламі і раслінамі.

Адлёт шэрых журавоў на зімоўку доўжыцца ўвесь кастрычнік, а часам зацягваецца да лістапада.

Журавы ляцяць зграямі, выстраіўшыся клінам, у дзённы час і звычайна на вялікай вышыні.

Зграі падчас восеньскага пералёту значна больш шматлікія, чым вясной.

Танцы назіраюцца ва ўсе сезоны года і могуць выконвацца як адзінай птушкай, так і парамі, і нават зграяй на гняздоўскай тэрыторыі, падчас кармлення на прыпынках і на месцах адпачынку.

Шэры журавель занесены ў Чырвоную кнігу Рэспублікі Беларусь з 1981 года.

Фота/відэа Апочацкая дэлегацыя на фестывалі журавоў і журавін у беларускіх Міёрах Самабытны беларускі фестываль «Журавы і журавіны» у Міёрах – 2019	Публікацыі Праграма экалагічнага свята "Жураўлі і журавіны Міёрскага краю" Праграма экалагічнага свята «Жураўлі і журавіны Міёрскага краю» у 2019 годзе У Міёрах прайшоў пяты фестываль у гонар Ельнянскага сэрца Зямлі і журавоў Вераснёўскае свята "Жураўлі і журавіны Міёрскага краю" Прыгажосць і абаяльнасць, грацыя і талент на шоу-праграме "Міёрская журавінка" "Што? Дзе? Калі?" на кубак старшыні Міёрскага райвыканкама Экалагічны свята «Жураўлі і журавіны Міёрскага краю» трапіла ў каляндар турыстычных падзей Беларусі на 2016 год Праграма экалагічнага свята «Жураўлі і журавіны Міёрскага краю» у 2016 годзе Праграма экалагічнага свята «Жураўлі і журавіны Міёрскага краю» у 2017 годзе Міёры ў віхуры фестывальных падзей Адкрыццё брэндавай скульптуры жураўлёў у Міёрах Шосты экалагічны фестываль "Жураўлі і журавіны Міёрскага краю" Не збіцца з сцежкі У Міёрах слухалі жураўліны клёкат і беларускія песні Фэст "Жураўлі і журавіны Міёрскага краю" увайшоў у топ-5 брэндавых святаў Беларусі (+ФОТА) Апочацкая дэлегацыя пабывала на фестывалі журавоў і журавін у беларускіх Міёрах У Міёрах прайшоў фестываль «Жураўлі і журавіны» (2018 г.) Як прайшоў фестываль "Жураўлі і журавіны Міёрскага краю" (2018 г.) Некалькі тысяч удзельнікаў сабраў экалагічны фестываль "Жураўлі і журавіны Міёрскага краю" (+ФОТА) Чым здзіўлялі і частавалі на падворках Міёршчыны Фотарэпартаж. Экафестываль "Жураўлі і журавіны" прайшоў у Міёрскім раёне Назіраць за жураўлямі і збіраць журавіны ходзяць адной дарогай - праз Канахі Сціплая экзотыка аграсядзібы "Жураўліная Ельня" Жураўлінай сцежкай прайшлі маладыя сем'і Міёршчыны Экалагічны фестываль аб'ядноўвае і грэе сардэчным цяплом