Сацыяльны праект: «Роўны дапамагае роўнаму»

На базе аддзялення дзённага знаходжання для інвалідаў рэалізуецца сацыяльны праект «Роўны дапамагае роўнаму»

Дадзены праект накіраваны на вырашэнне праблемы прыцягнення ўвагі да жыццёвай актыўнасці саміх інвалідаў, фарміравання ў грамадстве новай канцэпцыі незалежнага жыцця людзей з абмежаванымі магчымасцямі.

Мэта праекта: стварэнне ўмоў для калектыўнай сацыяльна-бытавой дзейнасці адзінокіх грамадзян з АПФР, якія пражываюць самастойна, інтэграцыя іх у сацыяльную працоўную дзейнасць, устараненне сацыяльнай раз'яднанасці праз арганізацыю мерапрыемстваў з удзелам валанцёраў-інвалідаў.

Задачы:

  • уключэнне маладых інвалідаў-добраахвотнікаў у актыўную дзейнасць, накіраваную на аказанне бытавой дапамогі і псіхалагічнай падтрымкі мэтавай групы;
  • павышэнне ўзроўню сацыяльнай адаптацыі, пашырэнне сферы зносін грамадзян з АПФР;
  • ажыццяўленне мерапрыемстваў па аказанні практычнай дапамогі грамадзянам з АПФР, якія маюць патрэбу ў сацыяльнай падтрымцы.

Праект рэалізуецца праз працу брыгады ўзаемадапамогі «Талока». Члены праекта, грамадзяне з АПФР, якія на пастаяннай аснове наведваюць аддзяленне, аказваюць пасільную дапамогу ў добраўпарадкаванні дваровых тэрыторый, пасадцы і ўборцы агародніны, уладкаванні і добраўпарадкаванні месцаў пражывання інвалідаў (касметычны рамонт, генеральная ўборка і г.д.).

Праект рэалізуецца на працягу года. Узаемадапамога аказваецца па папярэдняй дамоўленасці паміж членамі брыгады, пры ўзгадненні з інструктарам па працоўнай тэрапіі, але не радзей за 1 раз у месяц.

Галерэя выяў

Сацыяльны праект: экспрэс свята «Старажылу юбілей»

Праект рэалізуецца аддзяленнем сацыяльнай дапамогі на даму.

Мэта дадзенага праекта: сацыяльна-псіхалагічная падтрымка пажылых грамадзян на значным рубяжы жыцця.

У рамках рэалізацыі сацыяльнага праекта спецыялісты аддзялення сацыяльнай дапамогі на даму віншуюць адзінокіх пажылых грамадзян з юбілеямі (80, 90, 95, 100 гадоў).

Сувеніры для ўручэння пажылым грамадзянам вырабляюцца ў працоўных майстэрнях аддзялення дзённага знаходжання для інвалідаў.

Сацыяльны праект: «У нагу з часам»

Мэта праекта:

Адаптацыя да сучаснага інтэрнэт-асяроддзя людзей пенсійнага ўзросту, якія пражываюць на тэрыторыі Міёрскага раёна, праз арганізацыю сацыяльнага кафэ «Срэбны ўзрост».

Задачы

  • Арганізаваць сацыяльнае кафэ «Срэбны ўзрост»
  • Распрацаваць праграму па навучанні камп'ютарнай пісьменнасці ў кафэ «Срэбны ўзрост»
  • Стварыць умовы для навучання камп'ютарнай пісьменнасці асоб пенсійнага ўзросту
  • Правесці навучанне камп'ютарнай пісьменнасці і кібербяспецы.
  • Активізаваць дасугавую дзейнасць катэгорый грамадзян, іх сацыяльную адаптацыю і рэабілітацыю.

    • У 2021 годзе на базе Міёрскага ТЦСАН было створана і актыўна працавала сацыяльнае кафэ «Срэбны ўзрост», якое дало магчымасць пажылым людзям асвоіць неабходныя ў сучасным свеце навыкі па аплаце камунальных паслуг праз інтэрнэт або мабільны дадатак, замовіць талон да ўрача, замовіць дастаўку тавараў і прадуктаў харчавання, мець зносіны з сваякамі, якія пражываюць за межамі Рэспублікі Беларусь, замовіць білет на транспартныя сродкі, пашырыць сацыяльныя сувязі шляхам зносін у сацыяльных сетках, атрымаць анлайн-кансультацыі па розных пытаннях. Дадзены праект спрыяў актывізацыі дасугавай дзейнасці катэгорый грамадзян, іх сацыяльнай адаптацыі і рэабілітацыі, а таксама зніжэнню парога ізаляванасці. Стала магчымым самаадукацыя асобы шляхам асваення новых сфер дзейнасці і фарміравання новых сацыяльна-значных роляў, умацавалася псіха-эмацыянальнае здароўе, павысілася інтэлектуальная актыўнасць, раскрыўся асабісты патэнцыял кожнага ўдзельніка. Рэалізацыя праекта дала магчымасць пажылым людзям многія пытанні вырашаць, не выходзячы з дома, пазбягаючы дадатковага кантакту з магчымымі хворымі грамадзянамі. Рэалізацыя дадзенага праекта працягваецца. З кастрычніка 2021 года сфарміравана новая група пажылых грамадзян, гатовых прайсці новы курс навучальных заняткаў.

    Галерэя выяў

    Сацыяльны праект: «Бяспека перш за ўсё»

    Мэта праекта: павышэнне ўзроўню бяспекі пражывання адзінокіх пажылых грамадзян і адзінокіх інвалідаў 1 і 2 груп, адзінока пражываючых грамадзян

    У межах праекта праводзяцца наступныя мерапрыемствы:

    • арганізацыя і правядзенне індывідуальнай інструктыўна-тлумачальнай працы;
    • навучанне работнікаў, якія аказваюць сацыяльныя паслугі, асновам бяспекі жыццядзейнасці, мерам па папярэджанні пажараў і іншых надзвычайных сітуацый, дзеянням пры іх узнікненні;
    • прыцягненне ўвагі грамадскасці, сваякоў, арганізацый, дзе раней працавалі пажылыя грамадзяне, да праблем іх бяспечнага пражывання

    У межах праекта «Бяспека перш за ўсё» у кастрычніку 2021 года ў домаўладаннях адзінокіх пажылых грамадзян і адзінокіх інвалідаў 1 і 2 груп устаноўлены 50 аўтаномных пажарных апавяшчальнікаў, набытых за кошт сродкаў Міёрскай раённай арганізацыі РГА «Белая Русь».