З верай у Хрыста і падзякай служкам храма...

      Для праваслаўных вернікаў снежань - час Ражстве́нскага посту, міласэрнасці, дабрадзейнасці і дабрачыннасці. Сімвалічна, што менавіта 3 снежня ва ўсім свеце абвешчаны Міжнародным днём інвалідаў (убогіх), тых, хто здаўна знаходзіцца пад асаблівай абаронай у Бога. У гэты дзень у многіх краінах дзяржава, грамадскасць, духавенства і ўсе неабыякавыя адгукаюцца на праблемы людзей з інваліднасцю.

       Па добрай традыцыі, якая існуе з 2014 года, протаіерэй Віктар Вабішчэвіч у храме Палажэння Рызы Прасвятой Багародзіцы ва Улахерне г. Міёры правёў малебен аб здароўі, на якім прысутнічалі падапечныя аддзялення сацыяльнай рэабілітацыі, абілітацыі інвалідаў дзяржаўнай установы «Тэрытарыяльны цэнтр сацыяльнага абслугоўвання насельніцтва Міёрскага раёна», а таксама члены ГА «Беларускае таварыства інвалідаў» і члены ГА «Беларускае таварыства інвалідаў па зроку».
       Айцец Віктар звярнуўся да прысутных з пропаведдзю, заклікаў часцей наведваць храм, жыць у міры і згодзе з сабой і навакольнымі, шчыра маліцца Госпаду, Прасвятой Багародзіцы, лекарству Панцеляймону. Ля іконы "Увядзенне ў храм Прасвятой Багародзіцы" распавёў гісторыю ўзнікнення гэтага праваслаўнага свята.
     Верай у Хрыста і падзякай да служыцеляў храма былі напоўнены сэрцы парафіян у гэты дзень.