У працы прынялі ўдзел старшыня Міёрскага раённага выканаўчага камітэта Аляксандр Ярахновіч, старшыня Міёрскага раённага Савета дэпутатаў Валерый Драбо, намеснікі старшыні райвыканкама, педагогі гарадскіх школ, прадстаўнікі грамадскіх арганізацый, старшыні Дзісненскага гарадскога і сельскіх Саветаў дэпутатаў.

У склад Маладзёжнага савета пры Міёрскім раённым Савеце дэпутатаў увайшло 11 чалавек ва ўзросце ад 18 да 31 года. Гэта працуючая моладзь, якая актыўна праявіла сябе ў пэўных напрамках дзейнасці.

Старшынёй Міёрскага Савета абраны Максім Філіповіч, які раней узначальваў Маладзёжную палату пры Міёрскім раённым Савеце дэпутатаў пятага склікання. Максім з'яўляецца членам Маладзёжнага савета трэцяга склікання пры Савеце Рэспублікі Нацыянальнага сходу Рэспублікі Беларусь, членам Маладзёжнага савета пры Віцебскім абласным Савеце дэпутатаў, кіраўніком па ваенна-патрыятычным выхаванні дзяржаўнай установы адукацыі "Міёрская сярэдняя школа № 3 імя Героя Савецкага Саюза Ягора Андрэевіча Томка".

Намеснікам старшыні Маладзёжнага савета абрана Марыя Пакора, настаўнік замежнай мовы дзяржаўнай установы адукацыі "Міёрская сярэдняя школа №2 імя Н. Г. Ізварына", сакратаром - Яна Юршэвіч, інспектар аддзела юрыдычнага, па рабоце са зваротамі грамадзян і юрыдычных асоб Міёрскага раённага выканаўчага камітэта.