Мітынг, прысвечаны Дню памяці воінаў-інтэрнацыяналістаў і 34-й гадавіне вываду савецкіх войскаў з Афганістана, прайшоў у горадзе Міёры

15 лютага на плошчы Памяці загінулых змагароў сабраліся воіны-афганцы, прадстаўнікі працоўных калектываў і праваахоўных структур, навучэнцы школ раёна на ўрачыстае мерапрыемства.

Старшыня Міёрскага раённага Савета дэпутатаў Валерый Драбо ўручыў Ганаровыя граматы ветэранам вайны ў Афганістане Сяргею Матвееву і Івану Юхну.

Хвілінай маўчання ўшанавалі памяць аб 5 маладых хлопцах - Сяргеі Закрэўскім, Пятры Брынковічу, Уладзіміры Мяцеліцы, Сяргеі Станкевічы, Сяргеі Шляпове, ураджэнцах Міёрскага раёна, якія загінулі пры выкананні інтэрнацыянальнага доўгу.

Да памятнага абэліска «Чорны цюльпан» усклалі гірлянды і кветкі.

Кіраўніцтва раёна, ветэраны-афганцы сустрэліся з сем'ямі загінулых воінаў-інтэрнацыяналістаў, разам з навучэнцамі гарадскіх школ, а таксама Туркоўскай базавай школы і Язненскай сярэдняй школы наведалі месцы пахаванняў загінулых хлопцаў у Афганскай вайне.