Прэзідэнт Беларусі Аляксандр Лукашэнка 20 студзеня 2006 г. падпісаў указ № 36 «Аб заснаванні афіцыйных геральдычных сімвалаў адміністрацыйна-тэрытарыяльных і тэрытарыяльных адзінак Віцебскай вобласці».
У мэтах узнаўлення гісторыка-геральдычных традыцый Віцебшчыны Прэзідэнт заснаваў афіцыйны герб горада Міёры.
1. Герб горада Міёры з'яўляецца яго афіцыйным геральдычным сімвалам.
Герб горада Міёры – уласнасць Міёрскага раёна, правам распараджэння якой валодае Міёрскі раённы выканаўчы камітэт.
2. Выява герба горада Міёры размяшчаецца на будынках, у якіх размешчаны органы мясцовага кіравання і самакіравання горада Міёры і Міёрскага раёна, а таксама ў памяшканнях пасяджэнняў гэтых органаў і службовых кабінетах іх кіраўнікоў.
Выява герба горада Міёры можа размяшчацца ў тых месцах горада Міёры і Міёрскага раёна, дзе ў адпаведнасці з заканадаўствам прадугледжваецца размяшчэнне выявы Дзяржаўнага герба Рэспублікі Беларусь. Пры адначасовым размяшчэнні Дзяржаўнага герба Рэспублікі Беларусь, герба горада Міёры і іншых гербаў іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 года «Аб дзяржаўных сімвалах Рэспублікі Беларусь» (Нацыянальны рэестр прававых актаў Рэспублікі Беларусь, 2004 г., № 111, 2/1050).
Выява герба горада Міёры можа выкарыстоўвацца таксама падчас дзяржаўных святаў і святочных дзён, урачыстых мерапрыемстваў, якія праводзяцца дзяржаўнымі органамі і іншымі арганізацыямі, народных, працоўных, сямейных святаў і мерапрыемстваў, прымеркаваных да памятных дат.
3. Права на выкарыстанне выявы герба горада Міёры ў выпадках, не пазначаных у пункце 2 гэтага Палажэння, можа быць прадастаўлена па рашэнні Міёрскага раённага выканаўчага камітэта.
Герб горада Міёры уяўляе сабой выяву ў блакітным полі іспанскага шчыта трох хвалістых палос белага колеру, над імі – белы лебедзь з паднятымі крыламі.
Прэзідэнт Беларусі Аляксандр Лукашэнка 2 чэрвеня 2009 г. падпісаў указ № 277 «Аб заснаванні афіцыйных геральдычных сімвалаў адміністрацыйна-тэрытарыяльных і тэрытарыяльных адзінак Віцебскай вобласці».
У мэтах адраджэння гісторыка-геральдычных традыцый Віцебшчыны Прэзідэнт заснаваў афіцыйны сцяг горада Міёры і горада Дзісна, сцяг і герб вёскі Пераброддзе Міёрскага раёна.
1. Сцяг горада Міёры з'яўляецца яго афіцыйным геральдычным сімвалам.
Сцяг горада Міёры – уласнасць Міёрскага раёна, правам распараджэння якой валодае Міёрскі раённы выканаўчы камітэт.
2. Сцяг горада Міёры размяшчаецца на будынках, у якіх размешчаны органы мясцовага кіравання і самакіравання горада Міёры і Міёрскага раёна, а таксама ў памяшканнях пасяджэнняў гэтых органаў і службовых кабінетах іх кіраўнікоў.
Сцяг горада Міёры можа размяшчацца ў тых месцах горада Міёры і Міёрскага раёна, дзе ў адпаведнасці з заканадаўствам прадугледжваецца размяшчэнне Дзяржаўнага сцяга Рэспублікі Беларусь. Пры адначасовым размяшчэнні Дзяржаўнага сцяга Рэспублікі Беларусь, сцяга горада Міёры і іншых сцягоў іх размяшчэнне вызначаецца ў адпаведнасці з Законам Рэспублікі Беларусь ад 5 ліпеня 2004 года «Аб дзяржаўных сімвалах Рэспублікі Беларусь» (Нацыянальны рэестр прававых актаў Рэспублікі Беларусь, 2004 г., № 111, 2/1050).
Сцяг горада Міёры можа выкарыстоўвацца таксама падчас дзяржаўных святаў і святочных дзён, урачыстых мерапрыемстваў, якія праводзяцца дзяржаўнымі органамі і іншымі арганізацыямі, народных, працоўных, сямейных святаў і мерапрыемстваў, прымеркаваных да памятных дат.
3. Права на выкарыстанне сцяга горада Міёры ў выпадках, не пазначаных у пункце 2 гэтага Палажэння, можа быць прадастаўлена па рашэнні Міёрскага раённага выканаўчага камітэта.
Сцяг горада Міёры уяўляе сабой прамавугольнае палотнішча блакітнага колеру з суадносінамі бакоў 1:2, у цэнтры асабовага боку якога размешчана, абрамленае белай аблямоўкай, выява герба горада Міёры.