1 сакавіка – Сусветны дзень барацьбы з наркаманіяй

Штогод у нашай рэспубліцы 1 сакавіка адзначаецца Міжнародны дзень барацьбы з наркаманіяй.

         У цяперашні час праблема ўжывання і распаўсюджвання наркотыкаў – адна з найбольш актуальных праблем сучаснага грамадства.

         У межах Міжнароднага дня барацьбы з наркаманіяй для навучэнцаў Чапукоўскай сярэдняй школы была арганізавана сустрэча з намеснікам пракурора Міёрскага раёна Раманоўскай С.В., падчас якой было акцэнтавана ўвага навучэнцаў на адказнасць за распаўсюджванне наркотыкаў, небяспеку іх ужывання.

         У прыватнасці, звернута ўвага навучэнцаў на тое, што крымінальная адказнасць за незаконны абарот наркатычных сродкаў, псіхатропных рэчываў і прэкурсораў і іх аналагаў наступае з 16-гадовага ўзросту. Разам з тым у выпадку здзяйснення іх крадзяжу, а таксама незаконны абарот з мэтай збыту крымінальная адказнасць наступае з 14 гадоў.

         Непаўналетнія павінны ведаць, што любыя маніпуляцыі з наркотыкамі недапушчальныя – гэта злачынства. За жаданне падлетка паспрабаваць наркотыкі альбо проста зарабіць, распаўсюджваючы наркотыкі, стаяць рэальныя тэрміны пазбаўлення волі.

         За незаконныя без мэты збыту выраб, перапрацоўку, набыццё, захоўванне, перавозку або перасылку наркатычных сродкаў, псіхатропных рэчываў альбо іх прэкурсораў або аналагаў (ч. 1 арт. 328 КК) прадугледжана пакаранне ў выглядзе абмежавання волі на тэрмін да пяці гадоў або пазбаўленне волі на тэрмін ад двух да пяці гадоў. За незаконныя з мэтай збыту выраб, перапрацоўку, набыццё, захоўванне, перавозку або перасылку альбо незаконны збыт наркатычных сродкаў, псіхатропных рэчываў альбо іх прэкурсораў або аналагаў (ч. 2 арт. 328 КК) прадугледжана пакаранне ў выглядзе пазбаўлення волі на тэрмін ад трох да васьмі гадоў са штрафам або без штрафу.

         Павышаную крымінальную адказнасць цягнуць дзеянні, звязаныя з незаконным абаротам наркатычных і псіхатропных рэчываў, здзейсненыя групай асоб (ч. 3 арт. 328 КК): пазбаўленне волі на тэрмін ад 6 да 15 гадоў. Калі такія дзеянні здзейснены арганізаванай групай (ч. 4 арт. 328 КК) – пазбаўленне волі на тэрмін ад 10 да 20 гадоў.

         Звернута ўвага, што згодна з прымёткамі да арт. 328 КК асоба, якая добраахвотна здала наркатычныя сродкі, псіхатропныя рэчывы, іх прэкурсоры або аналагі і актыўна спрыяла выяўленню або спыненню злачынства, звязанага з незаконным абаротам гэтых сродкаў або рэчываў, выкрыццю асоб, якія іх здзейснілі, выкрыццю маёмасці, здабытай злачынным шляхам, вызваляецца за дадзенае злачынства ад крымінальнай адказнасці.