У ПЯТЫ Ў РАЗ У ЛТП

5 снежня 2023 года судом у выязным судовым пасяджэнні ў памяшканні Міёрскага РАУС разгледжана грамадзянская справа па заяве Міёрскага РАУС аб накіраванні 38-гадовага жыхара раёна ў лячэбна-працоўны прафілакторый.

         Грамадзянін на працягу года на глебе ўжывання спіртных напояў сістэматычна парушаў грамадскі парадак, за што неаднаразова прыцягваўся да адміністрацыйнай адказнасці. Больш за 15 гадоў ён стаіць на ўліку ў урача-нарколага, раней чатыры разы накіроўваўся ў лячэбна-працоўны прафілакторый. Згодна з заключэннем камісіі ўрачоў, мужчына пакутуе алкагольнай залежнасцю і мае патрэбу ў прымусовым лячэнні.

         Участковым інспектарам РАУС грамадзяніну вынесена афіцыйнае папярэджанне аб магчымасці накіравання ў ЛПП. Аднак належных высноў для сябе ён не зрабіў і пасля абвяшчэння афіцыйнага папярэджання ў нецвярозым стане здзейсніў чарговае правапарушэнне, за што яго прыцягнулі да адказнасці па ч. 2 арт. 19.3 КоАП Рэспублікі Беларусь.

         У ходзе судовага пасяджэння грамадзянін цалкам прызнаў факты прыцягнення да адміністрацыйнай адказнасці, а таксама папярэджання яго аб магчымасці накіравання ў ЛПП, згодны з заявай РАУС.

         Даследаваўшы матэрыялы грамадзянскай справы, суд вырашыў накіраваць грамадзяніна ў лячэбна-працоўны прафілакторый для медыка-сацыяльнай рэадаптацыі з абавязковым прыцягненнем да працы тэрмінам на 24 месяцы.

         Рашэнне суда не набыло законную сілу.