Судом раёна разгледжана крымінальная справа

24 сакавіка 2023 года судом Міёрскага раёна ў выязным судовым пасяджэнні разгледжана крымінальная справа па абвінавачванні жыхара раёна ў здзяйсненні замаху на рабаванне.

У судовае пасяджэнне для ўдзелу з мэтай прафілактыкі здзяйснення новых злачынстваў былі запрошаны асобы, якія стаяць на ўліку ва ўстанове крымінальна-выканаўчай інспекцыі Міёрскага РАУС, як адбываючыя пакаранне, так і маючыя судзімасць.

Па разглядаемай крымінальнай справе было ўстаноўлена, што абвінавачаны ў студзені 2023 года ў вячэрні час, знаходзячыся ў стане алкагольнага ап'янэння, на тратуары паблізу жылых дамоў па адной з вуліц г. Дзісна Міёрскага раёна шляхам вырывання з рук пацярпелай жаночай сумкі адкрыта спрабаваў выкрасці маёмасць, якая знаходзілася ў сумцы, на суму больш за 400 рублёў. Аднак па незалежных ад абвінавачанага абставінах, з прычыны аказання пацярпелай актыўнага супраціву, не давёў свой злачынны намер да канца.

У судовым пасяджэнні сваю віну абвінавачаны прызнаў у поўным аб'ёме, учыненым раскаяўся, прынёс прабачэнні пацярпелай.

Суд з улікам змякчаючай акалічнасці: шчырае раскаянне ва ўчыненым, абцяжваючай акалічнасці: здзяйсненне злачынства асобай, якая знаходзіцца ў стане алкагольнага ап'янэння, звестак аб асобе прызначыў абвінавачанаму пакаранне ў выглядзе 300 гадзін грамадскіх работ.

Прыгавор суда ў законную сілу не ўступіў.

У адпаведнасці з арт. 49 Крымінальнага кодэкса Рэспублікі Беларусь грамадскія работы заключаюцца ў выкананні асуджаным бясплатнай працы на карысць грамадства, від якой вызначаецца органамі, што вядаюць прымяненнем грамадскіх работ, выконваемых ад чатырох да васьмі гадзін у дзень.

У выпадку злоснага ўхілення асуджанага ад адбыцця пакарання ў выглядзе грамадскіх работ суд па прадстаўленні органа, на які ўскладзена выкананне прыгавору, можа замяніць грамадскія работы арыштам з разліку адзін дзень арышту за дваццаць чатыры гадзіны грамадскіх работ або абмежаваннем волі з разліку адзін дзень абмежавання волі за дванаццаць гадзін грамадскіх работ. Пры гэтым час ухілення ад адбыцця пакарання ў выглядзе грамадскіх работ не залічваецца ў тэрмін адбытага пакарання.