Дзяржаўтаінспекцыя Віцебскай вобласці правядзе 19 чэрвеня прафілактычнае мерапрыемства "Вакацыі пад знакам бяспекі!" накіраванае на прафілактыку ДТЗ з удзелам непаўналетніх у летні перыяд

У перыяд правядзення мерапрыемства ДАІ ўзмоцніць кантроль на маршрутах патрулявання за перамяшчэннем веласіпедыстаў, пешаходаў, асоб, якія перамяшчаюцца на ССМ.

ДАІ нагадвае: да сродкаў персанальнай мабільнасці адносяцца электрасамакаты, гіраскутары, монакола, сегвеі і іншыя аналагічныя прылады.

Перамяшчацца на іх неабходна па веладарожцы, а пры яе адсутнасці — па тратуары, пешаходнай дарожцы альбо абочыне са скорасцю не вышэй за 25 км/г. Пры гэтым нельга ствараць перашкоды для руху пешаходаў. Будзьце ўважлівыя на дарогах і выконвайце правілы дарожнага руху!