З 21 па 25 жніўня ў Міёрскім раёне праводзіцца спецыяльнае комплекснае мерапрыемства «Падлетак».
Асноўная мэта СКМ – прафілактыка злачынстваў у падлеткавым асяроддзі, спыненне любых правапарушэнняў, учыненых непаўналетнімі.
У ІДН Міёрскага РАУС у цяперашні час з 10 падлеткамі праводзіцца індывідуальная прафілактычная праца. У перыяд правядзення СКМ у раёне пройдуць рэйдавыя мерапрыемствы ў месцах масавага знаходжання моладзі, будзе ўзмоцнены кантроль за аб'ектамі гандлю з мэтай недапушчэння фактаў рэалізацыі алкагольных напояў і піва непаўналетнім. 21 жніўня 2024 года праведзены прафілактычныя мерапрыемствы ў ДУА Міёрская СШ2 імя М.Г. Ізварина і санаторыі «Расінка». Інспекцыя па справах непаўналетніх АУС заклікае бацькоў не быць абыякавымі да лёсу сваіх дзяцей, надаваць больш увагі іх выхаванню, кантраляваць іх баўленне часу і кола зносін, праводзіць з імі вольны час.