«Бяспечнае лета – дзецям!»
За цякучы перыяд 2023 года на тэрыторыі Віцебскай вобласці зарэгістравана 4 дарожна-транспартных здарэнні з удзелам дзяцей-пасажыраў. У якіх 1 дзіця загінула, раненні атрымалі 6 непаўналетніх.
Улічваючы складваючуюся негатыўную тэндэнцыю ў сферы дзіцячага дарожна-транспартнага траўматызму, Дзяржаўтаінспекцыя Міёрскага раёна 21 чэрвеня 2023 года правядзе комплекс прафілактычных мерапрыемстваў, накіраваных на прафілактыку ДТЗ з удзелам непаўналетніх, прапаганду выкарыстання дзіцячых утрымліваючых прылад і святлоадбівальных элементаў у цёмны час сутак, пад дэвізам «Бяспечнае лета - дзецям!». Супрацоўнікі ДАІ правядуць тлумачальную працу як у працоўных калектывах арганізацый і прадпрыемстваў, так і ва ўстановах адукацыі, у тым ліку на бацькоўскіх сходах. Асаблівая ўвага будзе нададзена прафілактычнай працы з кіроўцамі індывідуальнага транспарту па выкананні Правілаў дарожнага руху ў частцы бяспечнай перавозкі дзяцей.
Правілы дарожнага руху адзіныя для дзяцей і дарослых. На жаль, яны напісаны дарослай мовай, без усякага разліку на дзяцей. Таму галоўная задача выхавальнікаў і бацькоў – даступна растлумачыць правілы дзіцяці, а пры выбары формы навучання данесці да дзяцей сэнс, небяспеку невыканання правілаў, пры гэтым не сказіўшы іх змест.
Толькі сумеснымі намаганнямі выхавальнікаў і бацькоў, выкарыстоўваючы іх веды, цярпенне і такт, магчыма навучыць дзяцей навыкам бяспечных зносін са складаным светам пераходу вуліц і дарог.
Дзеці заўсёды побач з намі, яны глядзяць на нас, пераймаюць нас. Ліха націскаючы на газ, за рулём аўтамабіляў, пераходзячы праезную частку на чырвоны сігнал святлафора або наогул у непрызначаным месцы, не забывайце, што побач з вамі вашы дзеці, такія ж удзельнікі дарожнага руху, якія паўтараюць і цалкам капіруюць зняважлівае і часта небяспечнае стаўленне дарослых да выканання правілаў дарожнага руху. Менавіта дарослыя закладваюць адмоўныя звычкі парушаць правілы бяспечных паводзін на дарозе – аснову магчымай будучай трагедыі. Усе дарослыя павінны цвёрда засвоіць сілу ўласнага прыкладу!
Каб дзіця не трапіла ў бяду, выхоўвайце ў яго павагу да правілаў дарожнага руху цярпліва, штодня, ненадакучліва.
Паважаныя дарослыя – Беражыце дзяцей!
Начальнік аддзялення ДАІ
Міёрскага РАУС А.Ф.Савейка