Дом без пажару – бяспечны дом

З 19 па 25 студзеня на тэрыторыі Міёрскага раёна праходзіла спецыяльнае прафілактычнае мерапрыемства «Дом без пажару», накіраванае на папярэджанне пажараў і гібелі людзей ад іх у жыллёвым фондзе.

Каб папярэдзіць вогненныя здарэнні, работнікі Міёрскага раённага аддзела па надзвычайных сітуацыях як індывідуальна, так і сумесна з суб'ектамі прафілактыкі наведалі домаўладанні катэгарызаваных грамадзян на тэрыторыі горада Міёры і Міёрскага сельскага савета. Пры абследаванні жылля прадстаўнікі МНС нагадвалі грамадзянам аб неабходнасці няўхільнага выканання правілаў пажарнай бяспекі ў быце, прыводзілі прыклады пажараў, якія забралі жыцці людзей.

– Дадзенае мерапрыемства праводзілася з мэтай зніжэння рызык узнікнення пажараў у жыллёвым фондзе і прадухілення гібелі людзей. «Дом без пажару» ўключае ў сябе прафілактычныя мерапрыемствы ў домаўладаннях, дзе візуальна ацэньваецца стан пажарнай бяспекі. З грамадзянамі праводзіліся тлумачальныя гутаркі, даваліся рэкамендацыі па ліквідацыі выяўленых парушэнняў, – каментуе намеснік начальніка раённага аддзела па НС Алег Бунто. – Аднак, як паказвае практыка, адных толькі папярэджанняў недастаткова.

У рамках прафілактычнай працы начальнік Міёрскага раённага аддзела па надзвычайных сітуацыях Уладзімір Рачыцкі сустрэўся з жыхарамі населенага пункта аграгарадка Чарасы ў Міёрскім сельскім Савеце. У сваім звароце да жыхароў ён падкрэсліў: «Наступленне маразоў – час павышанай небяспекі. Печанае ацяпленне, электраабагравальнікі, неасцярожнае абыходжанне з агнём – усё гэта можа прывесці да трагедыі. Наша задача – не дапусціць гэтага».

На сходзе дэталёва разбіраліся прычыны ўзнікнення пажараў у зімовы перыяд. Асаблівая ўвага надавалася правілам эксплуатацыі печанага ацяплення, эксплуатацыі электраабсталявання, а таксама недапушчальнасці дзіцячай выхадкі з агнём.

Акрамя практычных парад усе атрымалі наглядна-выяўленчую прадукцыю з карыснымі парадамі.