Няхай чараўніцтва працягваецца!

У рамках рэспубліканскай акцыі «Бяспечны Новы год!» міёрскія ратавальнікі правялі тэматычныя мерапрыемствы для наведвальнікаў гандлёвых аб'ектаў. Як правільна ўсталяваць ёлачку, бяспечна яе ўпрыгожыць і пазбегнуць траўм ад піратэхнічных вырабаў – усё гэта даведаліся ўдзельнікі мерапрыемства напярэдадні навагодніх святаў.

Работнікі МНС не проста правялі гутаркі па асновах бяспекі жыццядзейнасці, але і прапанавалі ўсім жадаючым прыняць удзел у навагодніх конкурсах і віктарынах. Дарослыя і дзеці паўтарылі нумары тэлефонаў службы выратавання, даведаліся, як правільна запускаць піратэхніку, а таксама разгадалі тэматычныя загадкі і рэбусы. Не засталася поўнасцю без увагі і тэма бяспекі падчас зімовых забаў: катання на каньках, санках, цюбінгах. Юныя жыхары раённага цэнтра разгадвалі навагоднія загадкі і вырашалі галаваломкі ад ратавальнікаў.

За правільныя адказы ўдзельнікі мерапрыемства атрымалі карысныя буклеты і памяткі з парадамі па бяспецы.