Няхай свята ўсім падорыць цуд!

У рамках рэспубліканскай акцыі «Бяспечны Новы год!» інспектар сектара прапаганды і ўзаемадзеяння з грамадскасцю Міёрскага раённага аддзела па надзвычайных сітуацыях Вольга Гіржда сустрэлася з вучнямі Узменскай базавай школы.

Мерапрыемства пачалося з пазнавальных віктарын і займальных конкурсаў, што спрыяла не толькі павышэнню цікавасці да тэматыкі бяспекі, але і лепшаму засваенню інфармацыі. Затым хлопчыкі і дзяўчынкі з задавальненнем адказвалі на пытанні «Школы Дзядулі Мароза», актыўна ўдзельнічалі ў конкурсах, адказвалі на пытанні «з падвохам», якія тычацца забеспячэння пажарнай бяспекі падчас правядзення навагодніх святаў. У мерапрыемстве змаглі прыняць удзел усе. А тым для пытанняў было дастаткова: правілы выкарыстання піратэхнікі, устаноўкі і ўпрыгожвання елкі, тонкі лёд, удзел у масавых мерапрыемствах і многае іншае.

Асаблівая ўвага была нададзена звароту з піратэхнікай. Інспектар расказала школьнікам аб правілах выкарыстання піратэхнічных вырабаў і аб тым, як пазбегнуць траўмаў і ўзнікнення ўзгаранняў пры іх выкарыстанні:

– Піратэхнічныя вырабы не даруюць нядбайнасці і неасцярожнасці! Самыя распаўсюджаныя траўмы падлеткаў – апёкі і раны рук, скуры і вачэй, – адзначыла работнік МНС.

У завяршэнне мерапрыемства пажадала ўсім бяспечных канікул і здзяйснення запаветных жаданняў. А самых актыўных рабят узнагародзіла падарункамі.