Прафілактычная праца ў працоўным калектыве

У рамках правядзення пажарна-прафілактычнай работы на тэрыторыі раёна начальнік Міёрскага падраздзялення МНС Уладзімір Рачыцкі выступіў у працоўных калектывах адкрытага акцыянернага таварыства «Райаграсэрвіс» і раённай ветэрынарнай станцыі.

Свой выступ прадстаўнік МНС пачаў з давядзення статыстыкі па пажарах на тэрыторыі раёна, вобласці і ў Рэспубліцы Беларусь, прыводзячы прыклады пажараў і аналізуючы іх прычыны, нагадаў аб асноўных правілах пажарнай бяспекі, якія неабходна выконваць на тэрыторыі працоўнага месца, дома і ў побыце.

Таксама прысутным быў даведзены алгарытм дзеянняў у выпадку ўзнікнення пажару, правілы карыстання першаснымі сродкамі пажаратушэння, правілы пажарнай бяспекі пры выкарыстанні печанага ацяплення і электраабсталявання.

- Кожны чалавек павінен ведаць, як дзейнічаць у выпадку ўзнікнення пажару, - распавядаў кіраўнік. – І наша задача, як работнікаў МНС, нагадаць Вам гэтыя дзеянні.

Прысутным было расказана аб карысці аўтаномных пажарных апавяшчальнікаў, прыведзены прыклады выратавання людзей дзякуючы своечасоваму выяўленню пажару апавяшчальнікам. Асаблівая ўвага была ўдзелена дзіцячай сваволі з агнём.

Асноўная задача такіх сустрэч – навучыць людзей, як не дапусціць надзвычайныя сітуацыі і як правільна дзейнічаць пры іх узнікненні.