Рэйды па вадаёмах і месцах адпачынку каля вады

Каб прадухіліць надзвычайныя сітуацыі на вадаёмах, супрацоўнікі Міёрскага раённага аддзела па надзвычайных сітуацыях наведаліся да папулярных месцаў сярод аматараў рыбнай лоўлі.

Восеньская рыбалка, як паказвае практыка, можа прынесці не толькі захапленне ўловам, але і стаць небяспечнай забавай, калі вы не будзеце прытрымлівацца правілаў бяспекі.

Супрацоўнікі МНС звярнулі асаблівую ўвагу на азёры ў раённым цэнтры і вёсцы Ідолта, а таксама раку Заходняя Дзвіна. Каб прадухіліць няшчасце, ратавальнікі вялі размовы з кожным рыбаком, нагадвалі, што, ідучы на вадаём, трэба выконваць правілы паводзін каля вады, а таксама пазбягаць ужывання алкагольных напояў.

У ходзе мерапрыемства звярнулі ўвагу на тлумачэнне асноўных правілаў бяспечных паводзін на вадаёмах, алгарытмаў аказання першай дапамогі пацярпелым падчас знаходжання ў вадзе. Дзяцей жа папярэджваюць, што знаходзіцца без суправаджэння дарослых на вадаёме забаронена. Успаміналі тэлефоны экстранных службаў, алгарытм дзеянняў у выпадку ўзнікнення надзвычайнай сітуацыі на вадзе. Супрацоўнікі МНС заклікаюць усіх грамадзян быць уважлівымі і выконваць меры бяспекі, а таксама нагадваюць кожнаму, што такія рэйды будуць ажыццяўляцца сістэматычна з улікам аператыўнай сітуацыі і ў залежнасці ад умоў надвор'я.

А каб замацаваць атрыманыя веды, кожнаму была ўручана памятка па бяспечных паводзінах на вадзе.