Спецыяльнае прафілактычнае мерапрыемства «Дом без пажару» пройдзе на Мёршчыне

У першым паўгоддзі 2025 года ад знешніх прычын загінула 490 грамадзян, у тым ліку 46 – на пажарах. Ужо за 7 месяцаў 2025 года ў параўнанні з аналагічным перыядам 2024 года колькасць пажараў павялічылася на 9 % (з 547 да 596), загінулых ад іх людзей – на 43,6 % (з 39 да 56). Рост колькасці загінулых ад пажараў грамадзян назіраецца ў 13 рэгіёнах вобласці.

З мэтай уплыву на абстаноўку з гібеллю людзей на тэрыторыі Міёрскага раёна з 22 па 31 жніўня пройдзе дэкаднік па папярэджанні гібелі людзей ад знешніх прычын, з 25 па 31 жніўня – спецыяльнае прафілактычнае мерапрыемства «Дом без пажару», асаблівая ўвага будзе нададзена тэрыторыі горада Міёры і Перабродскага сельскага савета. У межах мерапрыемстваў будзе праводзіцца абследаванне домаўладанняў катэгарызаваных грамадзян, як індывідуальна, так і сумесна з суб'ектамі прафілактыкі, выступленні ў працоўных калектывах, сельскія сходы, мерапрыемствы ў месцах з масавым знаходжаннем.