Ратавальнікі Міёршчыны ўзмацнілі абследаванне жыллёвага фонду грамадзян у выхадныя дні

У перыяд з 1 па 4 мая ратавальнікі Мёршчыны ўзмоцняць працу па абследаванні жыллёвага фонду грамадзян на тэрыторыі горада Мёры і Мёрскага раёна. У поле зроку ратавальнікаў трапяць прыватныя жылыя дамы і кватэры ў шматкватэрных жылых дамах.

Мэта дадзенай працы – павышэнне ўзроўню проціпажарнай абароны насельніцтва і прадухіленне ўзнікнення пажараў і гібелі людзей ад іх. Асаблівая ўвага будзе нададзена кватэрам і дамам, дзе пражываюць сацыяльна ўразлівыя катэгорыі насельніцтва: шматдзетныя сем'і, адзінокія пенсіянеры і інваліды, а таксама грамадзяне, якія вядуць асацыяльны лад жыцця.

У ходзе праверак ратавальнікі будуць акцэнтаваць увагу на наяўнасць і працаздольнасць аўтаномных пажарных апавяшчальнікаў, спраўнасць печанага ацяплення (пры яго наяўнасці), стан электраправодкі і электраабсталявання, а таксама на правілы навядзення парадку на прыдамавых тэрыторыях. У межах праводзімых абследаванняў грамадзянам будуць дадзены рэкамендацыі па ліквідацыі выяўленых парушэнняў.

Галоўная мэта праводзімых мерапрыемстваў – папярэджанне пажараў і захаванне жыцця і здароўя людзей. Грамадзянам рэкамендуецца з разуменнем аднесціся да праводзімых абследаванняў і супрацоўнічаць з ратавальнікамі ў пытаннях забеспячэння пажарнай бяспекі. Памятайце, выкананне простых правіл можа захаваць ваша жыццё і маёмасць!

З пачатку года ў Віцебскай вобласці назіраецца рост пажараў і загінулых на іх грамадзян. Зафіксавана 345 пажараў (+50 выпадкаў да мінулага года), загінула 32 чалавекі (+10 фактаў да 2024 года).