Палы сухой травы - прамы шлях да пажару!

Для ратавальнікаў пачаўся «гарачы» час. Аматары прыбраць сухую траву з дапамогай агню забываюць пра тое, што гэта можа прывесці да непапраўных наступстваў. Так, з пачатку года ў Міёрскім раёне работнікі МНС 14 разоў выязджалі на ўзгаранні сухой расліннасці.

З мэтай нагадаць вяскоўцам правілы бяспекі ў пажаранебяспечны перыяд, ратавальнікі Міёрскага раённага аддзела па надзвычайных сітуацыях праводзяць рэйдавыя мерапрыемствы сумесна з работнікамі Дзісненскага лясніцтва і карэспандэнтам раённай газеты на тэрыторыі раёна з мэтай выяўлення фактаў безгаспадарнасці і нездавальняючага ўтрымання тэрыторый населеных пунктаў, месцаў апашкі лесу-тарфяных масіваў.

"На дадзены момант у нашым і іншых рэгіёнах адзначаецца надзвычайная пажарная небяспека - самы высокі рызыка. Гэта перыяд, калі верагоднасць узнікнення ўзгаранняў дасягае найвышэйшага ўзроўню. Сухое надвор'е, плюсавая тэмпература паветра, нізкая вільготнасць - умовы, якія спрыяюць імкліваму распаўсюджванню агню", - растлумачыў ратавальнік.

Работник МНС падрабязна распавёў, як успыхвае сухая трава ад запалкі, кінутай дзеля «забавы», як агонь пераходзіць на лясныя масівы і можа прыняць пагрозлівыя памеры, як часта ад палыхаючай травы загараюцца дамы, гаспадарчыя пабудовы, а часам і гінуць людзі. Прывёў прыклады падобных сітуацый, якія адбыліся на тэрыторыі раёна і вобласці. Затым нагадаў, што выпальваць сухую расліннасць катэгарычна забаронена. Для замацавання ўручыў памятку з карыснай інфармацыяй.

У выпадку выяўлення гарэння сухой расліннасці, а таксама іншых надзвычайных сітуацый тэлефануйце па тэлефонных нумарах 101 або 112.