Пажарна-прафілактычная праца ў працоўным калектыве

Міёрскі раённы аддзел па надзвычайных сітуацыях праводзіць пастаянную прафілактычную працу па папярэджанні пажараў і наступстваў ад іх узнікнення, а інфармаванне насельніцтва і непасрэдная праца з ім у гэтай галіне з'яўляецца ключавой у гэтым напрамку.

Віталь Аляксандравіч давёў аператыўную абстаноўку па пажарах і гібелі людзей на тэрыторыі раёна, распавёў аб патрабаваннях пажарнай бяспекі пры эксплуатацыі печанага ацяплення, прывёў прыклады станоўчых фактаў спрацоўкі АПІ. Распавёў грамадзянам аб самых галоўных праблемах у забеспячэнні пажарнай бяспекі дома, навучыў асноўным пытанням і дзеянням у выпадку ўзнікнення небяспечных сітуацый. Таксама асаблівая ўвага была ўдзелена тэме дзіцячага свавольства з агнём.

– Дзіцячае свавольства з агнём часта становіцца прычынай пажараў. Як паказвае практыка, часцяком такія пажары адбываюцца з-за адсутнасці ў дзяцей навыкаў асцярожнага абыходжання з агнём, недастатковага кантролю за іх паводзінамі з боку дарослых, а ў шэрагу выпадкаў – няўмення бацькоў арганізаваць дзіцячы адпачынак, – гаварыў начальнік. – Наша задача нагадваць дзецям аб правілах пажарнай бяспекі і распавесці, якія ж правілы неабходна выконваць, каб не трапіць у бяду і што рабіць, калі стаў заложнікам небяспечнай сітуацыі.

Выступ работнікаў МНС у працоўных калектывах – гэта важны крок на шляху да павышэння агульнай бяспекі. Яны не толькі дапамагаюць работнікам даведацца, як дзейнічаць у экстранных сітуацыях, але і фарміруюць адказнае стаўленне да бяспекі ў грамадстве. Сістэматычнае ўзаемадзеянне з МНС спрыяе стварэнню больш бяспечнай працоўнай прасторы.

Акрамя гэтага Віталь Аляксандравіч нагадаў прысутным правілы карыстання першаснымі сродкамі пажаратушэння і дзеянні ў выпадку пажару.

Па завяршэнні сустрэчы з працоўнымі калектывамі кожны атрымаў памятку з карыснай інфармацыяй ад МНС.