На Міёршчыне прайшлі спаборніцтвы па валейболе

Ужо добрай традыцыяй стала для міёрскіх ратавальнікаў праводзіць штогадовыя спаборніцтвы сярод падраздзяленняў раёна і выбіраць лепшых у адным з відаў спорту. У гэты раз вызначылі наймацнейшых у валейболе. Удзел у першынстве прынялі пяць каманд. Ратавальнікі прадэманстравалі ўпэўненую гульню і годна паказалі сябе ў майстэрстве валодання мячом.

У фінал выйшлі каманда афіцэраў і прадстаўнікі аварыйна-выратавальнай часці №2. Барацьба за лідарства была цікавай і напружанай.

Спачатку відавочную перавагу ў гульні мела каманда афіцэраў. Аднак неўзабаве каманда супернікаў больш сур'ёзна ўзялася за гульню і вырвала лідарства.

У рамках турніру адбыліся насычаныя матчы, а пераможцы былі ўзнагароджаны кубкамі і прызамі.

Падобныя чэмпіянаты не толькі спрыяюць папулярызацыі валейбола ў раёне, але і ўмацоўваюць сувязі паміж працоўнымі калектывамі, ствараючы пазітыўныя адносіны як унутры арганізацый, так і за іх межамі атмасферу здаровага суперніцтва і каманднага духу.