Уладальнікам бытавых катлоў на заметку

Асноўная колькасць надзвычайных сітуацый у нашай краіне, звязаных з выбухамі бытавых катлоў, прыпадае на пачатак ацяпляльнага сезона, для якога характэрная станоўчая тэмпература паветра ў дзённы час.

Уладальнікам бытавых катлоў да пачатку ацяпляльнага перыяду неабходна:

- ачысціць паверхні ўнутры катла і дымаходы ад сажы. Выканаць пры неабходнасці іх рамонт;

- правесці рэвізію або замяніць на спраўную запорную і засцерагальную арматуру;

- прамыць сістэму ацяплення і запоўніць яе вадой;

- пераканацца ў герметычнасці катла і сістэмы ацяплення;

- паколькі замярзанне вады сістэмы ацяплення, як правіла, адбываецца на гарышчах і ў неацяпляльных памяшканнях, цеплаізаляваць размешчаныя там трубаправоды і пашыральны бак.

У выпадку адсутнасці цыркуляцыі вады ў сістэме ацяплення, пры гарэнні паліва ўнутры труб або чыгунных секцый катла адбываецца закіпанне вады, якое суправаджаецца ростам ціску. Пры дасягненні крытычнага ціску трубы або секцыі катла разбураюцца. З-за выкіду з пашкоджанага катла вялікага аб'ёму пары і паравадзяной сумесі адбываецца павышэнне ціску ўнутры памяшкання і, як следства, разбурэнне апорных канструкцый будынка.

З мэтай прадухілення выбухаў бытавых катлоў неабходна:

- пераканацца, што запорныя органы на падаючым і зваротным трубаправодах адкрыты, сістэма ацяплення развоздушана;

- выдаліць кандэнсат з ніжняй кішэні дымавой трубы;

- правесці агляд агалоўкаў дымавых труб і каналаў дымаходаў і пераканацца ў адсутнасці іх абмярзання і закупоркі;

- да пачатку распальвання катла адкрыць лінію падпіткі сістэмы ацяплення і кантрольную лінію запаўнення пашыральнага бака. Сцячэнне вады з кантрольнай лініі сведчыць аб тым, што ціск па манометры, устаноўленым на катле, не расце.

Калі з кантрольнай лініі запаўнення пашыральнага бака не пайшла вада, а ціск у катле расце і дасягае ціску ў водаправоднай сетцы, гэта сведчыць аб замярзанні сістэмы ацяплення. У гэтым выпадку коцел распальваць катэгарычна забараняецца.

Неабходна вызначыць месца замярзання ацяпляльнай сістэмы, атуліць яго і толькі потым, калі з кантрольнай лініі (пры адкрытай падпітнай лініі) пацячэ вада, пацячэ вада, можна паступова распальваць кацёл, увесь час кантралюючы ціск вады ў катле па ўсталяваным на ім манометры.

Калі ціск вады ў катле пачынае набліжацца да максімальна дапушчальнага, неабходна тэрмінова спыніць падачу паліва да катла, выдаліць з катла ў бяспечнае месца і заліць вадой рэшткі палаючага паліва. У гэтым выпадку сістэма ацяплення не атулена.

Працы па мантажы бытавых водагрэйных катлоў і ацяпляльнай сістэмы рэкамендуецца выконваць толькі сіламі спецыялізаваных арганізацый. Пры гэтым неабходна, каб работнікі, якія выконваюць работы па мантажы і наладцы катлоў, праводзілі навучанне карыстальнікаў з адзнакай аб гэтым у пашпарце катла.

ЗАБАРОНЕНА:

- выкарыстоўваць самаробныя катлы, не абсталяваныя аўтаматыкай бяспекі і кантрольна-вымяральнымі прыборамі;

- эксплуатаваць няспраўныя катлы (катлы з няспраўнымі манометрамі, засцерагальнымі прыладамі) і самавольна адключаць або дэмантаваць іх;

- праводзіць распальванне катла пры адмоўнай тэмпературы вонкавага паветра пры адсутнасці цыркуляцыі вады ў ацяпляльнай сістэме;

- захоўваць побач з катлом гаручыя, змазачныя і абцірачныя матэрыялы.

Інспектар СПіВА Міёрскага РАТС                          А.М.Гіржда