Ратавальнікі ўшанавалі памяць воінаў-вызваліцеляў

У рамках урачыстых мерапрыемстваў, прысвечаных 80-годдзю вызвалення Рэспублікі Беларусь ад нямецка-фашысцкіх захопнікаў, ратавальнікі Міёрскага раённага аддзела па надзвычайных сітуацыях сумесна з прадстаўніком Віцебскага абласнога ўпраўлення МНС прынялі ўдзел у ускладанні кветак да помніка воінам-вызваліцелям на Плошчы ахвяр барацьбы. 

Аддаць даніну памяці прыбыў афіцэрскі і асабісты склад аддзела. Мітынг адкрыў Аляксандр Гмырак, які нагадаў аб каштоўным укладзе нашага беларускага народа ў перамогу над нямецкімі захопнікамі. Расказаў, як важна памятаць і шанаваць памяць загінуўшых савецкіх салдат, а таксама адзначыў, што мы ў першую чаргу павінны быць патрыётамі сваёй краіны і заўсёды стаяць на варце бяспекі.   

Прадстаўнік Міёрскага гістарычнага музея Рачыцкая Кацярына расказала аб баявых дзеяннях на тэрыторыі райцэнтра, аб бязлітасных расстрэлах яўрэйскіх грамадзян і мірнага насельніцтва, і аб тым, якімі страшнымі былі гады вайны для нашых грамадзян.

Удзельнікі ускладання ўшанавалі памяць загінуўшых салдат хвілінай маўчання і ўсклалі кветкі да падножжа помніка.