Каб не дапусціць выпальвання

Складзеная негатыўная абстаноўка з пажарамі на тэрыторыі раёна падштурхоўвае ратавальнікаў Мёршчыны праводзіць узмоцненую прафілактычную работу з насельніцтвам. У выхадныя дні, калі большасць людзей знаходзіцца дома, наводзячы парадкі на прыдамавой тэрыторыі, работнікі МНС у Мёрах арганізавалі рэйды па сельскіх населеных пунктах з мэтай кантролю за пажаранебяспечнай абстаноўкай. Ратавальнікаў цікавіла наяўнасць сухой расліннасці, падтрыманне прыдамавой тэрыторыі ў пажарабяспечным стане, утрыманне супрацьпажарных разрываў.

Дарэчы, падчас рэйдаў наведаны населеныя пункты Навапогасцкага, Павяцкага і Узменскага сельсаветаў, а таксама садаводчае таварыства «Вяснянка». З грамадзянамі, якія наводзілі парадкі на ўчастках, праведзены гутаркі аб недапушчальнасці выпальвання сухой расліннасці, а таксама мерах адказнасці за дадзенае парушэнне.

Акрамя гэтага, праведзены маніторынгі наяўнасці закінутых і аварыйных будынкаў на тэрыторыі наведаных сельсаветаў. Як правіла, каля падобных будынкаў часцей за ўсё і маецца сухая расліннасць. Адсутнасць уладальнікаў прыводзіць часцей за ўсё да таго, што за будынкам ніхто не наглядае.