Асцярожна, тонкі лёд!

Не за гарамі час, калі сярэднесутачная тэмпература стане «плюсавай» і лёд на вадаёме стане тонкім. Паводле статыстыкі, большасць няшчасных выпадкаў на вадзе адбываецца з людзьмі менавіта ў гэты перыяд года. Каб засцерагчыся ад трагедыі на вадаёмах, варта кіравацца некаторымі правіламі.

- без неабходнасці не выходзь на тонкі, неакрэплы лёд;

- перад выхадам на лёд пераканайся ў яго трываласці;

- пераходзь вадаём пры добрай бачнасці;

- не хадзі па лёдзе ўздоўж берагавой лініі, у месцах упадзення ручаёў, назапашвання снегу, ля стокаў заводаў і ферм, зараснікаў трыснягу, хмызнякоў;

- ісці трэба асцярожна, не адрываючы падэшвы ад лёду, правяраючы трываласць лёду перад сабой палачкай або пешнёй;

- не выходзь на лёд у туман, снегапад, дождж.

Калі праваліўся пад лёд:

- не панікуй;

- заклікай на дапамогу;

- старайся не апускацца ў ваду з галавой;

- выбірайся ў бок падзення;

- раскінь рукі і наползай на лёд грудзьмі;

- закінь на лёд нагу і адкаціся ад палонкі;

- выбраўшыся з вады, не ўставай, каб не праваліцца зноў – поўзі да берага па сваіх слядах.

Інспектар ГПіВА Міёрскага РАНС А.М.Гіржда