Задача – навучыць з дзяцінства

Пры правядзенні прафілактычнай работы з насельніцтвам работнікі МНС імкнуцца ахапіць розныя катэгорыі насельніцтва, каб данесці прафілактычную інфармацыю да большай колькасці насельніцтва. У Міёрскім раёне ратавальнікі акрамя работы з сельскімі жыхарамі і ў працоўных калектывах, правялі работу і ў дзіцячых дашкольных установах адукацыі.

Работа з дзецьмі – адна з самых напружаных. Галоўная мэта пры правядзенні гэтай работы – навучыць дзяцей, сацыялізаваць іх у дарослае жыццё. Дзіця нават ужо ў дзіцячым садзе павінна многае ведаць і ўмець. Сярод ведаў, якія дзеці павінны засвоіць з дзяцінства – гэта і недапушчальнасць узнікнення надзвычайных сітуацый.

Разам з работнікамі МНС хлопчыкі і дзяўчынкі з Міёрскага яслі-сада №2 падчас сустрэчы атрымалі не толькі станоўчыя эмоцыі і падарункі, але і шмат карыснай інфармацыі і навыкаў. Падчас мерапрыемства дзеці паспрабавалі сябе ў ролі пажарных, якім трэба было выратаваць сваіх сяброў з групы ад надзвычайнай сітуацыі, якая здарылася. Усе дзеці справіліся з задачай, змаглі не толькі патушыць пачаўшыся пажар і выклікаць пажарных, але і выратаваць у бяспечнае месца ўсіх, хто «пацярпеў» ад агню.