Правілы бяспекі вывучаеш – жыццё бяспечна пражываеш

Далёка не сакрэт, што выкананне правілаў бяспечных паводзінаў дапаможа захаваць жыццё, здароўе і маёмасць. Пра гэта ведаюць усе, а вось выконваюць не заўсёды. Чаму так важна прытрымлівацца правілаў бяспечных паводзінаў і па якіх прычынах можа здарыцца пажар – пра гэта і не толькі работнікі раённага аддзела па надзвычайных сітуацыях у Міёрскім раёне размаўлялі з шматдзетнымі сем'ямі ў рамках акцыі «Бяспека ў кожны дом».

А прычын пажараў дастаткова. У век тэхналогій у кожным доме крыніц поўна. І электрычныя прыборы, якімі наш дом літаральна напіханы, і пячное ацяпленне, якое часцей сустракаецца ў сельскай мясцовасці, і запалкі ў няўмелых дзіцячых ручках, і непатушаны недакурак у руках п'янага чалавека. А небяспеку трэба ўмець прадбачыць, каб яе прадухіліць. Забраць з рук маленькага брата запалкі, якія зусім не дзіцячыя цацкі, адключыць электрычны прыбор пасля выкарыстання з сеткі – бяспека ў нашых дамах у нашых жа руках. Важна толькі выконваць правілы, не грэбуючы імі дзеля часовай асалоды ці жадання пахваліцца перад сябрамі.

У рамках мерапрыемства абмеркавалі карысць аўтаномнага пажарнага апавяшчальніка і яго адрозненне ад сігналізацыі ў школе. Успомнілі нумар выкліку службы выратавання і правілы бяспечнай эвакуацыі. Дружна падумалі, якія прадметы, наяўныя пад рукой кожны дзень, могуць спатрэбіцца для тушэння пажару, што пачынаецца, коратка закранулі і правілы пажарнай бяспекі, адказвалі на пытанні ратавальнікаў, самі навучаліся новым правілам бяспекі. Дзякуючы метадычным матэрыялам дзеці не проста пачулі пра многія рэчы, але і ўбачылі іх «ужывую».

Больш падрабязна абмеркавалі, па якіх прычынах адбываюцца пажары, а таксама ўспомнілі, як іх пазбегнуць. Дзеці самі бездакорна назвалі асноўныя прычыны: неасцярожнае абыходжанне з агнём, парушэнні пры эксплуатацыі печанага ацяплення, электраабсталявання, дзіцячая выдумка з агнём.

Па заканчэнні мерапрыемства дзеці атрымалі наглядную прадукцыю па бяспецы ў падарунак.