Дзяржаўны пажарны нагляд інфармуе!

У лістападзе работнікамі дзяржаўнага пажарнага нагляду праведзены наглядныя мерапрыемствы ў выглядзе выбарачнай праверкі на аб'ектах нафтапрадуктаправода «Дзісна» Унітарнага прадпрыемства «Захад-Транснафтапрадукт», а таксама маніторынгі на аб'ектах ДУДА «Міёрскі раённы Цэнтр дзяцей і моладзі», ДУА «Міёрская дзіцячая школа мастацтваў».

Пры правядзенні наглядных мерапрыемстваў на аб'ектах нафтапрадуктаправода «Дзісна» выяўлены парушэнні патрабаванняў па забеспячэнні бяспечнай эвакуацыі пры пажары, а таксама па забеспячэнні аб'ектаў арганізацыі першаснымі сродкамі пажаратушэння. Усе выяўленыя парушэнні ўстаранены ў ходзе правядзення праверкі.

Па выніках правядзення маніторынгу ДУДА «Міёрскі раённы Цэнтр дзяцей і моладзі» ўстаноўлена, што не ў поўным аб'ёме выконваюцца патрабаванні па забеспячэнні бяспечнай эвакуацыі людзей пры пажары, а таксама да эксплуатацыі першасных сродкаў пажаратушэння. У ДУА «Міёрская дзіцячая школа мастацтваў» таксама маецца праблемнае пытанне ў частцы бяспечнай эвакуацыі людзей пры пажары. У адрас кіраўнікоў арганізацый накіраваны рэкамендацыі па ўстараненні выяўленых парушэнняў.

Разам з тым у ходзе праводзімага маніторынгу ДУА «Міёрская дзіцячая школа мастацтваў» вывучалася выкананне ліцэнзіятам Міёрскім аддзяленнем Дэпартамента аховы МУС Рэспублікі Беларусь патрабаванняў заканадаўства пры ажыццяўленні дзейнасці па забеспячэнні пажарнай бяспекі ў частцы тэхнічнага абслугоўвання установак пажарнай аўтаматыкі на аб'екце. Парушэнняў, дапушчаных у частцы тэхнічнага абслугоўвання пажарнай аўтаматыкі, не выяўлена.

Таксама работнікамі дзяржаўнага пажарнага нагляду праверана выкананне патрабаванняў, якія прад'яўляюцца да прадукцыі, што з'яўляецца аб'ектам тэхнічнага рэгулявання ТР ЕАЭС 043/2017 «Аб патрабаваннях да сродкаў забеспячэння пажарнай бяспекі і пажаратушэння» на гандлёвым аб'екце «Майстар» ПГУП «Ітэра-Трэйд» (рэалізацыя вогнетушыцеляў, пажарных выведнікаў, вырабаў профільных электрамантажных). Уся названая прадукцыя, а таксама прад'яўленыя суправаджальныя дакументы, адпавядаюць прад'яўленым патрабаванням.

Супрацоўнікі Міёрскага РАНС у чарговы раз нагадваюць аб неабходнасці выканання патрабаванняў пажарнай бяспекі ўсімі работнікамі прадпрыемстваў і арганізацый. Пры выяўленні ўзгаранняў неабходна апавясціць аб гэтым людзей, якія могуць знаходзіцца ў небяспечнай зоне, прыняць меры па ліквідацыі загаранняў, паведаміць
аб пажары ў службу выратавання.

Начальнік СНіП Міёрскага РАНС                                     А.А.Перапечаеў