У цэнтры ўвагі дзеці

З 21 жніўня з мэтай прыцягнення ўвагі грамадскасці да праблемы траўматызму і гібелі дзяцей ад пажараў з прычыны пакідання іх без нагляду ў рэспубліцы стартавала прафілактычная акцыя «У цэнтры ўвагі – дзеці!», прымеркаваная да Дня ведаў.

Акцыя праходзіць у месцах продажу школьных тавараў. Работнікі раённага падраздзялення МНС нагадаюць бацькам і школьнікам аб важнасці выканання правілаў бяспекі. У дапамогу тэарэтычным ведам – практычныя конкурсы, гульні, лагічныя заданні. Удзельнікам акцыі прапануюць прайсці «Экзамен па бяспецы», тым самым паспрабаваць свае сілы ў пытаннях бяспечных паводзін. Тым больш што за паспяховае праходжанне заданняў бацькам і дзецям належыць невялікі прыз.

Далей работнікі МНС наведаюць установы адукацыі. Тут правядуць прафілактычныя мерапрыемствы, накіраваныя на папярэджанне гібелі людзей ад знешніх прычын, у тым ліку – і ад пажараў, а таксама аб папярэджанні дзіцячага свавольства з агнём.

Інспектар СПіВА Міёрскага РАНС А.М.Гіржда