Начальнік абласнога ўпраўлення МНС наведаў Міёрскі раён

Падчас візіту ў Міёрскі раён начальнік Віцебскага абласнога ўпраўлення МНС Сяргей Мялешкін сустрэўся з працоўным калектывам цэнтра тэрытарыяльнага абслугоўвання насельніцтва ў горадзе Міёры.

У гутарцы з грамадзянамі кіраўнік абазначыў самыя распаўсюджаныя прычыны ўзнікнення вогненных надзвычайных сітуацый. Па-ранейшаму, бясспрэчным лідарам узнікнення пажараў з'яўляецца неасцярожнае абыходжанне з агнём пры курэнні, часта ў стане алкагольнага ап'янення.

Не засталася без увагі начальніка і дзіцячая бяспека. Сяргей Мікалаевіч нагадаў, што пакіданне дзяцей без нагляду дарослых непрымальна.

Кіраўнік абласнога ведамства расказаў аб тым, што хлопчыкі і дзяўчынкі маюць магчымасць пасля заканчэння 6 класаў паступаць на навучанне ў спецыялізаваны ліцэй МНС, аб асаблівасцях вучобы ў дадзеным установе адукацыі.

З асабовым складам раённага аддзела Сяргей Мялешкін сустрэўся на гарадскім стадыёне горада, падчас правядзення спаборніцтва паміж падраздзяленнямі па міні-футболе. Расказаў аб значных падзеях вобласці, нагадаў аб захаванні дысцыпліны і дакладнага няўхільнага выканання сваіх службовых абавязкаў. Сказаў напутлівыя словы і пажадаў спартсменам удачы.