Летні патруль на варце бяспекі

Усталяванае гарачае надвор'е так і вабіць людзей да вадаёмаў. І гараджане, і сельскія жыхары імкнуцца правесці вольны час ля вадаёма. Аднак і на адпачынку ля вадаёма трэба ведаць і выконваць правілы бяспекі, каб не апынуцца ў бядзе.

Правядзенне інструктажу аб мерах бяспекі на вадаёмах адправіліся міёрскія ратавальнікі разам з прадстаўнікамі раённага АСВОД і работнікамі БРСМ на гарадскі пляж. Тым больш, што сумная статыстыка патанулых падштурхоўвае праводзіць тлумачальную працу.

Увага адпачывальнікаў была завастрана на тым, што вада патрабуе асцярожнасці і, знаходзячыся на вадаёме, неабходна памятаць і выконваць элементарныя правілы бяспекі. З дзецьмі, якія знаходзяцца на пляжы, была праведзена асобная гутарка. Ратавальнікі нагадалі, што на вадзе не варта балбатаць і ладзіць грубыя гульні, заплываць за буйкі і ігнараваць патрабаванні дарослых. Адпачывальнікам яшчэ раз нагадалі тэлефоны службы выратавання, па якіх можна тэлефанаваць, калі раптам здарылася бяда.