Бяспечныя канікулы з ратавальнікамі

Супрацоўнікі Мёрскага падраздзялення па надзвычайных сітуацыях наведалі Повятскую школу і нагадалі аб бяспечных правілах паводзін у летні перыяд. У межах паездкі ўдалося правесці мерапрыемства з малодшымі школьнікамі з прышкольнага аздараўленчага лагера.

Летні перыяд асацыюецца з бясконцым адпачынкам, спякотным надвор'ем, адсутнасцю вучобы, купаннем на вадаёмах. Але важна памятаць, што і падчас адпачынку трэба выконваць правілы паводзін. Не кожнае занятак можа быць бяспечным і несці карысць.

Напрыклад, купанне на вадаёмах. Вада можа дарыць прахалоду, свежасць і зарад бадзёрасці. Але гэта пры ўмове, што чалавек сам не дапускае бестурботнасці на вадзе. Аб неабходных правілах паводзін на вадзе і гаварылі на ўроках бяспекі са школьнікамі ў межах урокаў.

Акрамя паводзін на вадаёмах, пагутарылі аб паводзінах у лесе, на прыродзе, а таксама дома. Выконваць правілы важна ўсюды і заўсёды. Тады надзвычайныя сітуацыі абыдуць бокам. А калі раптам такія з'явяцца – важна ведаць свае дзеянні і тэлефоны выкліку экстранных службаў. Рухомыя гульні і размінка, конкурс малюнкаў на тэму бяспекі – усё дзецям вельмі спадабалася. Хлопцы з задавальненнем удзельнічалі ў конкурсах, бурна абмяркоўвалі і наперабой адказвалі на пытанні работніка МНС. Было заўважна, што пытанні не заспелі іх знянацку.

У завяршэнні ўрокаў – карысныя памяткі і буклеты. Важныя падарункі дапамогуць замацаваць атрыманыя веды і прымяніць іх у самы патрэбны момант.

Інспектар СПіВА Мёрскага РАНС О.М.Гіржда