Пажарна-прафілактычная праца ў працоўным калектыве

Начальнік Міёрскага раённага аддзела па надзвычайных сітуацыях Віталь Ганін выступіў у працоўным калектыве адміністрацыі ПУПКС «Міёрскі».

Свой выступ Віталь Аляксандравіч пачаў з давядзення аператыўнай абстаноўкі па пажарах і гібелі людзей на тэрыторыі раёна. Давёў прысутным патрабаванні пажарнай бяспекі пры эксплуатацыі печанага ацяплення, прывёў прыклады станоўчых фактаў спрацоўкі АПІ, не пакінуў без увагі і пытанне аб дзеянні насельніцтва ў перыяд нізкіх тэмператур і актуальнасць устаноўкі мабільнага прыкладання «МНС Беларусі. Дапамога побач».

Акрамя гэтага Віталь Аляксандравіч нагадаў прысутным правілы карыстання першаснымі сродкамі пажаратушэння і дзеянні ў выпадку пажару.

Па завяршэнні сустрэчы з працоўным калектывам кожны атрымаў памятку з карыснай інфармацыяй ад МНС.