26 красавіка 1986 года свет скаланула страшная вестка — аварыя на Чарнобыльскай атамнай электрастанцыі.

Гэты дзень падзяліў гісторыю на «да» і «пасля», стаўшы сімвалам тэхнагеннай катастрофы і найвялікшай мужнасці.

Сёння ў Міёрскай цэнтральнай раённай бібліятэцы прайшоў час памяці «Чарнобыль - 40 гадоў». На мерапрыемстве прысутнічалі ліквідатары наступстваў аварыі на Чарнобыльскай АЭС, прадстаўнікі раённай улады і спецыялісты Міёрскай раённай інспекцыі прыродных рэсурсаў і аховы навакольнага асяроддзя, санітарнай службы раёна.

Асаблівая ўвага была нададзена подзвігу ліквідатараў, людзей, якія, не шкадуючы сябе, змагаліся з нябачным ворагам – радыяцыяй, ратуючы жыцці і здароўе мільёнаў людзей.