Аб удзеле ў акцыі «Гадзіна Зямлі»

Міёрская раённая інспекцыя прыродных рэсурсаў і аховы навакольнага асяроддзя запрашае далучыцца да экалагічнай акцыі – «Гадзіна Зямлі 2026».

Акцыя пройдзе ў апошнюю суботу сакавіка – 28 сакавіка 2026 года.

У гэты дзень, у васямнаццаты раз, мільёны людзей па свеце выключаць святло на адну гадзіну – з 20:30 да 21:30.

Галоўная мэта акцыі – фарміраванне экалагічнай культуры, выхаванне беражлівых адносін да прыроды і прыцягненне ўвагі да праблем змены клімату.

Што трэба зрабіць?

Выключыць асвятленне і не першачарговыя электрапрыборы (акрамя ліфтоў) на адну гадзіну.

Гэтая гадзіна – сімвал нашай агульнай адказнасці за навакольнае асяроддзе і клопату аб дабрабыце цяперашніх і будучых пакаленняў.

Зробім наш уклад у захаванне прыроды разам!