Аб ведамаснай справаздачнасці аб выніках уліку азонаразбуральных рэчываў і інвентарызацыі абсталявання

Мёрская раённая інспекцыя прыродных рэсурсаў і аховы навакольнага асяроддзя інфармуе, што пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 19.11.2025 № 13 - Т «Аб ведамаснай справаздачнасці» зацверджана форма ведамаснай справаздачнасці «Справаздача аб выніках уліку азонаразбуральных рэчываў і інвентарызацыі абсталявання і тэхнічных прылад, якія змяшчаюць азонаразбуральныя рэчывы» з указаннем па яе запаўненні, якая прадстаўляецца ў электронным выглядзе.

Юрыдычныя асобы, якія ажыццяўляюць ліцэнзуемую дзейнасць, звязаную з уздзеяннем на навакольнае асяроддзе ў частцы аперацый з азонаразбуральнымі рэчывамі, і (або) увоз у Рэспубліку Беларусь і (або) вываз з Рэспублікі Беларусь гідрафторуглеродаў, а таксама юрыдычныя асобы, якія эксплуатуюць абсталяванне і тэхнічныя прылады, якія змяшчаюць азонаразбуральныя рэчывы, прадстаўляюць справаздачнасць па месцы рэгістрацыі юрыдычнай асобы ў Віцебскі абласны камітэт прыродных рэсурсаў да 1 лютага 2026 года на электронны адрас: komitet@priroda-vitebsk.gov.by

Справаздача па раздзеле III прадстаўляецца толькі па тых адзінках абсталявання і тэхнічных прылад, якія змяшчаюць больш за 3 кг азонаразбуральных і (або) азонабяспечных рэчываў (у адной адзінцы).

Адначасова звяртаем увагу, што згодна з артыкулам 13 Закона Рэспублікі Беларусь ад 12 лістапада 2001 г. № 56-З «Аб ахове азонавага слоя», юрыдычныя асобы, якія ажыццяўляюць эксплуатацыю абсталявання і тэхнічных прылад, якія змяшчаюць азонаразбуральныя і (або) азонабяспечныя рэчывы, абавязаны праводзіць інвентарызацыю абсталявання і тэхнічных прылад, якія змяшчаюць азонаразбуральныя і (або) азонабяспечныя рэчывы, і прадстаўляць ведамасную справаздачнасць аб выніках такой інвентарызацыі.

У адпаведнасці з артыкулам 17 названага закона юрыдычныя асобы
і індывідуальныя прадпрымальнікі, якія маюць ліцэнзіі на ажыццяўленне дзейнасці, звязанай з уздзеяннем на навакольнае асяроддзе, абавязаны весці ўлік азонаразбуральных рэчываў, а таксама юрыдычныя асобы абавязаны прадстаўляць ведамасную справаздачнасць аб выніках такога ўліку.

Парушэнне заканадаўства аб ахове азонавага слоя цягне адміністрацыйную адказнасць у адпаведнасці з артыкулам 16.43 Кодэкса Рэспублікі Беларусь аб адміністрацыйных правапарушэннях.

Варта адзначыць, што заканадаўствам таксама прадугледжана адказнасць за прадастаўленне ў справаздачнасці недаставерных звестак.