Аб шкодзе, прычыненай навакольнаму асяроддзю

Шмат хто ўжо сутыкаўся з сітуацыяй, калі за парушэнне прыродаахоўнага заканадаўства прымяняліся не толькі меры адміністрацыйнага ўздзеяння да парушальніка, але і складаўся акт аб устанаўленні факта прычынення шкоды навакольнаму асяроддзю з наступным прад'яўленнем прэтэнзіі аб кампенсацыі шкоды, прычыненай навакольнаму асяроддзю.

Што ж такое шкода, прычыненая навакольнаму асяроддзю?

Згодна з Законам Рэспублікі Беларусь «Аб ахове навакольнага асяроддзя» шкода, прычыненая навакольнаму асяроддзю, - гэта адмоўнае змяненне навакольнага асяроддзя або асобных кампанентаў прыроднага асяроддзя, прыродных або прыродна-антрапагенных аб'ектаў, якое мае грашовую ацэнку і выяўляецца ў іх забруджванні, дэградацыі, знясіленні, пашкоджанні, знішчэнні, незаконным выманні (здабычы) і (або) іншым пагаршэнні іх стану ў выніку шкоднага ўздзеяння на навакольнае асяроддзе, звязанага з парушэннем заканадаўства аб ахове навакольнага асяроддзя і рацыянальным выкарыстанні прыродных рэсурсаў.

Поўны пералік фактаў, якія з'яўляюцца падставай для ўстанаўлення шкоды, прычыненай навакольнаму асяроддзю, досыць шырокі і выкладзены ў пастанове Савета Міністраў Рэспублікі Беларусь ад 11 красавіка 2022 г. № 219. У гэтай жа пастанове вызначаны таксы для вызначэння памеру шкоды, прычыненай навакольнаму асяроддзю, і парадак яе разліку.

За 11 месяцаў 2025 года Міёрскай раённай інспекцыяй прыродных рэсурсаў і аховы навакольнага асяроддзя ўстаноўлена 11 фактаў прычынення шкоды навакольнаму асяроддзю на агульную суму 6 908 рублёў. З іх 4 факты прычынення шкоды звязаны з незаконным выдаленнем дрэў, 3 – з забруджваннем навакольнага асяроддзя адходамі, 2 – з здабычай карысных выкапняў без атрымання дакументаў, якія з'яўляюцца прававой падставай карыстання нетрамі, 1 – з забруджваннем земляў, 1 - з выкідамі забруджвальных рэчываў у атмасфернае паветра са стацыянарных крыніц выкідаў з перавышэннем нарматываў дапушчальных выкідаў забруджвальных рэчываў у атмасфернае паветра, устаноўленых у дазволе.

Галоўны спецыяліст Міёрскай раённай інспекцыі прыродных рэсурсаў і аховы навакольнага асяроддзя Ваявода А.Е.