Пра парніковыя газы

Савет Міністраў Рэспублікі Беларусь прыняў пастанову № 614 ад 6 лістапада 2025 года, якая ўстанаўлівае нацыянальныя мэты па скарачэнні выкідаў парніковых газаў на перыяд з 2026 па 2035 гады.

Згодна з дакументам, да 2035 года плануецца скараціць выкіды на 42% у параўнанні з узроўнем 1990 года.

«Раней запланаванае скарачэнне выкідаў на 35% да 2030 года выканана ўжо ў 2025 годзе», — паведамілі ў прэс-службе ўрада.

Дзяржаўныя органы, падпарадкаваныя ўраду, і мясцовыя ўлады павінны ўлічваць гэтыя мэты пры распрацоўцы і рэалізацыі праграм сацыяльна-эканамічнага развіцця, а таксама прававых актаў па скарачэнні выкідаў парніковых газаў на ўказаны перыяд.

Гэты дакумент накіраваны на выкананне абавязацельстваў па Парыжскім пагадненні ад 12 снежня 2015 года.

Пастанова ўступае ў сілу з 1 студзеня 2026 года.

Пастанова № 553 ад 29 верасня 2021 года, якая ўстанаўлівае мэты на перыяд да 2030 года, прызнана страціўшай сілу.