Аб зарыбленні

Восень з'яўляецца найбольш прыдатным перыядам для зарыблення вадаёмаў. У гэты час тэмпература паветра і вады стварае найлепшыя ўмовы для акліматызацыі моладзі рыбы.

14 лістапада адбылося зарыбленне возера Важа Мёрскага раёна. Гэту працу правёў арандатар возера - ЧУП "Лідзія-Тур". Пры зарыбленні прысутнічалі прадстаўнікі ўпраўлення па сельскай гаспадарцы і харчаванні Мёрскага райвыканкама, Браслаўскай міжраённай інспекцыі аховы жывёльнага і расліннага свету пры Прэзідэнце Рэспублікі Беларусь, начальнік Мёрскай раённай інспекцыі прыродных рэсурсаў і аховы навакольнага асяроддзя А.М.Капусцін. У возера выпушчана 400 асобін паўгададовага маладняку шчупака. І гэта толькі першы этап зарыблення. Да канца года плануецца запусціць у вадаём 2 тысячы асобін шчупака.