Дзень без аўтамабіля. Беларусь за чыстае паветра!

Штогод у Беларусі 22 верасня адзначаецца экалагічная акцыя – Дзень без аўтамабіля.

Штогод гэтая кампанія прысвячаецца тэмам, звязаным з прыцягненнем увагі грамадскасці да праблем залішняй колькасці аўтамабільнага транспарту, і прадугледжвае правядзенне акцый, апытанняў, велапарадаў, канферэнцый і мерапрыемстваў з удзелам розных узроставых груп насельніцтва, накіраваных на папулярызацыю гарадскога пасажырскага транспарту агульнага карыстання, нематарызаваных транспартных сродкаў, пешых прагулак, здаровага ладу жыцця і захаванне экалогіі.

Дзень без аўтамабіля патрэбны не толькі для таго, каб выказаць сваю занепакоенасць экалогіяй гарадоў або ж праблемамі гарадской інфраструктуры. Гэты дзень дае нам магчымасць па-іншаму паглядзець на свой штодзённы распарадак. Аўтамабіль, незаменны ў далёкіх паездках, можа аказацца не так ужо і патрэбны для простага паходу ў краму, або, каб дабрацца да працы.

Абмежаванні для аўтамабілістаў уводзіліся з тых самых часоў, як асабістая машына стала распаўсюджанай з'явай. Справа не абмяжоўвалася аднымі заклікамі — напрыклад, у канцы трыццатых гадоў па ўсёй Еўропе ўводзіліся законы, якія прама забаранялі карыстацца асабістым аўто. Зразумела, аб экалогіі ніхто тады не думаў. На парозе сусветнай вайны арміі ўсіх краін востра мелі патрэбу ў паліве.

У Беларусі больш за 3 мільёны асабістых легкавых аўтамабіляў. Па насычанасці легкавымі аўто лідзіруюць Гродзенская і Мінская вобласці. Менавіта аўтранспарт — адзін з асноўных крыніц забруджвання гарадскога паветра. Да 99 працэнтаў усіх аэразоляў або шкодных газаў у паветры — прадукты працы рухавікоў унутранага згарання.

Маніторынг якасці атмасфернага паветра ў Беларусі праводзіць Белгідрамет. Пункты назірання размешчаны ў 19 прамысловых гарадах краіны і вызначаюць канцэнтрацыю асноўных забруджвальных рэчываў (цвёрдыя часціцы, дыяксіду серы, вокісу вугляроду, дыяксіду азоту і інш.).

Міёрская раённая інспекцыя прыродных рэсурсаў і аховы навакольнага асяроддзя заклікае вас далучыцца да свята планетарнага маштабу і «акультурыць» сваю рэгулярную язду на аўтамабілі, што зрабіць прасцей простага. Лепшы спосаб адзначыць Сусветны дзень без аўтамабіля — проста не карыстацца па меры магчымасці сваім аўтатранспартам.

Дзень без аўтамабіляў арганізаваны ў розных гарадах свету па-рознаму, але з агульнай мэтай — паменшыць колькасць аўтамабіляў на вуліцах. Выгада для грамадства ў цэлым — гэта дзень без коркаў на дарогах, дапамога навакольнаму асяроддзю, а таксама зніжэнне попыту на бензін.