Аб удзеле ў акцыі «Гадзіна Зямлі»

Традыцыйна ў апошнюю суботу першага месяца вясны Рэспубліка Беларусь прымае актыўны ўдзел у міжнароднай экалагічнай акцыі – «Гадзіна Зямлі». Асноўная задача акцыі – акцэнтаваць увагу на пытаннях кліматычных змен, эканоміі энергіі і экалагічнай бяспекі.

29 сакавіка гэтага года мы ў сямнаццаты раз разам з мільёнамі людзей па ўсім свеце выключым святло на адну гадзіну, каб задумацца аб будучыні нашай планеты. «Гадзіна Зямлі» – гэта не проста фармальнасць, гэта ўнікальная магчымасць для кожнага з нас унесці невялікі, але важны ўклад у абарону прыродных рэсурсаў і экалогію.

Міёрская раённая інспекцыя прыродных рэсурсаў і аховы навакольнага асяроддзя запрашае ўсіх жыхароў раёна далучыцца да акцыі «Гадзіна Зямлі – 2025» і ўнесці свой уклад у агульную справу!

Для гэтага дастаткова выключыць асвятленне і іншыя не першачарговыя электрапрыборы на адну гадзіну – з 20.30 да 21.30 – у знак падтрымкі адказнага стаўлення да прыроды.

Няхай гэтая гадзіна паслужыць сімвалам нашай агульнай адказнасці за лёс планеты і стымулам да больш актыўных дзеянняў па абароне навакольнага асяроддзя.