Аб Сусветным дні водна-балотных угоддзяў

«Сусветны дзень водна-балотных угоддзяў» адзначаецца ў свеце штогод 2 лютага, пачынаючы з 1997 года.

Канвенцыя аб водна-балотных угоддзях, якія маюць міжнароднае значэнне пераважна як месцы пражывання вадаплаўных птушак, была падпісана 2 лютага 1971 года ў горадзе Рамсар (Іран) і з таго часу носіць назву Рамсарскай канвенцыі.

Асноўнай мэтай Рамсарскай канвенцыі, як міжурадавай дамовы, з'яўляецца «захаванне і разумнае выкарыстанне ўсіх водна-балотных угоддзяў шляхам ажыццяўлення мясцовых, рэгіянальных і нацыянальных дзеянняў і міжнароднага супрацоўніцтва, як уклад у дасягненне ўстойлівага развіцця ва ўсім свеце».

Да водна-балотных угоддзяў адносіцца шырокае кола месцапражыванняў, у тым ліку балоты, поймы, рэкі і азёры, прыбярэжныя ўчасткі, занятыя салёнымі балотамі і манграмі, падводныя марскія лугі, каралавыя рыфы і марскія акваторыі глыбінёй не больш за шэсць метраў пры адліве, а таксама антрапагенныя аб'екты, уключаючы адстойнікі сцёкавых вод і вадасховішчы.

Водна-балотныя ўгоддзі маюць выключную важнасць для людзей і прыроды з улікам непераходнай каштоўнасці гэтых экасістэм і выгад і паслуг, якія атрымліваюцца за кошт іх існавання, у тым ліку прыродаахоўны, кліматычны, экалагічны, сацыяльны, эканамічны, навуковы, выхаваўчы, культурны, рэкрэацыйны і эстэтычны ўклад у забеспячэнне ўстойлівага развіцця і дабрабыту чалавека.

У цяперашні час больш за 2500 водна-балотных угоддзяў па ўсім свеце, агульнай плошчай больш за 2,5 млн кв. км, унесены ў Рамсарскі спіс водна-балотных угоддзяў міжнароднага значэння.

У Міёрскім раёне да Рамсарскіх тэрыторый аднесены ландшафтны заказнік рэспубліканскага значэння «Ельня».