«Зробім лункі – выратуем рыбу ад замаразку!»

Моцныя маразы спрыяюць утварэнню на паверхні вадаёма ледзянога панцыра, які блакуе доступ атмасфернага паветра і кіслароду, што можа суправаджацца масавай гібеллю рыбы.
У некаторых выпадках зімовы замор можа быць выкліканы наяўнасцю ў вадзе вялікай колькасці гумінавых рэчываў і закісу жалеза, акісленне якіх суправаджаецца зніжэннем растворанага ў вадзе кіслароду.

Да эфектыўных мер па папярэджанні зімовых замораў рыбы адносіцца выраб палонак на вадаёмах, схільных да заморных з'яў. Колькасць палонак залежыць ад плошчы вадаёма і ў сярэднім складае 3-5 шт./га. Палонкі варта размяшчаць у цэнтры вадаёма і па яго перыметры, дзе глыбіня непрамярзальнага слоя складае 50-60 см. Для прадухілення замярзання палонак неабходна ў іх усталяваць снапы, вырабленыя з трыснягу, рагозу і інш. полых «дыхаючых» раслін або падвешваць мяшкі з соллю ў такіх палонках з разліку 5 кг/мяшок. У якасці солі можа быць рэкамендавана тэхнічная соль, якая выкарыстоўваецца для ачысткі катлоў у кацельнях.

З мэтай прадухілення зімовых замораў і недапушчэння гібелі рыбы, пачынаючы з лютага 2024 года, на вадаёмах фонду запасу і схільных да заморных з'яў, Мінпрыроды ініцыюе правядзенне экалагічнай акцыі «Зробім лункі — выратуем рыбу ад замору!».