Новае ў заканадаўстве аб шкодзе, прычыненай навакольнаму асяроддзю

Пастановай Савета Міністраў Рэспублікі Беларусь ад 31.07.2023 г. № 500 унесены змяненні ў пастанову Савета Міністраў Рэспублікі Беларусь ад 11.04.2022 г. № 219 "Аб таксах для вызначэння памеру ўскосных страт, прычыненых навакольнаму асяроддзю, і парадку яго разліку".

Указанай пастановай прадугледжваецца новае паняцце "незаконная здабыча (выманне) карысных выкапняў, іншых горных парод з прычыны самавольнага карыстання нетрамі ў аб'ёме больш за 0,5 кубічнага метра альбо масай больш за 0,8 тоны".

Для разліку памеру ўскосных страт, прычыненых навакольнаму асяроддзю ў выніку незаконнай здабычы карысных выкапняў, устаноўлены таксы, роўныя 3 б.в. за адзін кубічны метр незаконна здабытага (вынятага) карыснага выкапня, іншай горнай пароды альбо 1,8 б.в. за адну тону незаконна здабытага (вынятага) карыснага выкапня, іншай горнай пароды.

Пры такім памеры такс урон, прычынены навакольнаму асяроддзю ў выніку незаконнай здабычы пяску ў аб'ёме аднаго самазвала грузападымальнасцю 20 тон складзе парадку 1 332,00 рубля.

Акрамя таго, пастановай прадугледжваюцца павышаючыя каэфіцыент 2,5 у выпадку незаконнай здабычы (вымання) карысных выкапняў, іншых горных парод на землях прыродаахоўнага, аздараўленчага, рэкрэацыйнага, гісторыка-культурнага прызначэння, землях у межах прыродных тэрыторый, якія падлягаюць асаблівай і (або) спецыяльнай ахове, а таксама каэфіцыент 2 у выпадку незаконнай здабычы (вымання) стратэгічных карысных выкапняў або карысных выкапняў абмежаванага распаўсюджвання.

Пастанова ўступіла ў сілу 2 жніўня 2023 года.