Заклікаем паліваць дрэвы і хмызнякі

Міёрская раённая інспекцыя прыродных рэсурсаў і аховы навакольнага асяроддзя заклікае неабыякавых жыхароў Міёрскага раёна забяспечыць паліў саджанцаў высаджаных дрэў.

   Шмат хто думае, што дрэвы растуць самі, варта толькі закапаць іх у зямлю. Але спёка не дае шанцаў самім дрэвам – тым, на чый абарону мы разлічваем. Ад яе пакутуюць нават старыя дрэвы, якія ўжо дабраліся каранямі да грунтавых вод, што ж тады казаць пра толькі што пасаджаныя маладыя парасткі.

    Цяпер мы сутыкаемся з сур'ёзнай экалагічнай праблемай – змяненнем клімату. З году ў год тэмпературныя рэкорды перавышаюцца па ўсім свеце, надзвычай высокія тэмпературы рэгіструюцца нават у Арктыцы. Назіраецца і так званы «астраўны эфект процівадзейнічання гарадской спёцы», калі тэмпература паветра ў гарадах і прыгарадах вышэй, чым у міжгародняй прасторы. Гэта звязана з дарожным пакрыццём – асфальт і бетон акумулююць высокія тэмпературы.

     Раней было ўмеранае лета, перыядычна ішоў дождж, дрэвы маглі нармальна ўкараняцца і развівацца. Цяпер пад пякучым сонцам тэмпература ў гарадах дасягае +30 градусаў. Якая расліна такое вытрымае? А тым больш малады саджанец, у якога яшчэ не сфарміравана каранёвая сістэма.

     Мала пабудаваць дом, нарадзіць дзіця і пасадзіць дрэва. За домам трэба даглядаць, сына ці дачку выхоўваць, а дрэвы – паліваць. Дрэўца, якое да лета паспяхова расло і зелянела, спёка можа забіць за некалькі дзён. Калі летам не паліваць дрэвы – гэта анулюе ўсе папярэднія намаганні, саджанцы проста засыхаюць.

     Таму сёння паліваць дрэвы – гэта адзіны спосаб іх выратаваць.