Конкурс ініцыятыў

У Беларусі абвешчаны конкурс маладзёжных ініцыятыў! У перыяд з 8 красавіка па 8 мая вядзецца прыём заявак на ўдзел у конкурсе маладзёжных ініцыятыў у 2023 годзе. Арганізатар мерапрыемства – Міністэрства адукацыі. Правядзенне конкурсу і каардынацыю рэалізацыі маладзёжных ініцыятыў ажыццяўляе грамадскае аб'яднанне «Беларускі рэспубліканскі саюз моладзі».

Мерапрыемства праводзіцца з мэтай стварэння ўмоў для падтрымкі актыўнага ўдзелу маладых грамадзян у сацыяльна-эканамічных і грамадска-палітычных працэсах. Да ўдзелу запрашаюцца суб'екты маладзёжных ініцыятыў.

Ацэнка і адбор заявак ажыццяўляецца па наступных крытэрыях:

актуальнасць і сацыяльная значнасць маладзёжнай ініцыятывы; колькасны ахоп маладых грамадзян, уцягнутых у рэалізацыю маладзёжнай ініцыятывы; вопыт і кампетэнцыя выканаўцаў маладзёжнай ініцыятывы; чаканы сацыяльны, эканамічны і іншы эфект ад рэалізацыі ініцыятывы; даступнасць вынікаў рэалізацыі маладзёжнай ініцыятывы насельніцтву; матэрыяльная вымяральнасць выніку рэалізацыі маладзёжнай ініцыятывы; і іншыя...

Пераможцаў вызначыць рэспубліканская камісія, зацверджаная Мінадукацыі. Абвяшчэнне вынікаў конкурсу і ўзнагароджанне пераможцаў пройдзе 31 мая бягучага года.