7. Асноўнай мэтай службы «адно акно» з'яўляецца забеспячэнне ў адным месцы прыёму заяў зацікаўленых асоб аб ажыццяўленні адміністрацыйных працэдур і выдачы адміністрацыйных рашэнняў па іх у адпаведнасці з пералікам адміністрацыйных працэдур, прыём заяў і выдача рашэнняў па якіх ажыццяўляецца праз службу «адно акно», зацверджаным пастановай Савета Міністраў Рэспублікі Беларусь ад 17 кастрычніка 2018 г. № 740.

8. Па рашэнні райвыканкама службай «адно акно» прымаюцца заявы і выдаюцца дакументы па іншых адміністрацыйных працэдурах, не ўключаных у пералік адміністрацыйных працэдур, прыём заяў і выдача рашэнняў па якіх ажыццяўляецца праз службу «адно акно», зацверджаным пастановай Савета Міністраў Рэспублікі Беларусь ад 17 кастрычніка 2018 г. № 740, а таксама па іншых пытаннях, якія адносяцца да кампетэнцыі ўпаўнаважаных органаў.

Канкрэтнае размеркаванне абавязкаў па ажыццяўленні адміністрацыйных працэдур паміж работнікамі службы «адно акно» ўстанаўліваецца распараджэннямі старшыні райвыканкама.

9. Асноўнымі задачамі службы «адно акно» з'яўляюцца:

9.1. забеспячэнне рэалізацыі заяўленчага прынцыпу «адно акно» пры звароце зацікаўленых асоб у райвыканкам за ажыццяўленнем адміністрацыйных працэдур;

9.2. стварэнне ўмоў у райвыканкаме для падачы ў адным месцы зацікаўленымі асобамі заяў аб ажыццяўленні адміністрацыйных працэдур у адпаведнасці з пунктамі 7, 8 гэтага Палажэння (далей – заявы);

9.3. аказанне бясплатнай кансультатыўнай дапамогі па пытаннях падрыхтоўкі дакументаў, неабходных для ажыццяўлення адміністрацыйных працэдур;

9.4. забеспячэнне своечасовай і якаснай падрыхтоўкі дакументаў, неабходных для ажыццяўлення адміністрацыйных працэдур;

9.5. выдача адміністрацыйных рашэнняў.

10. У адпаведнасці з асноўнымі задачамі служба «адно акно» выконвае наступныя функцыі:

10.1. кансультуе зацікаўленых асоб па пытаннях ажыццяўлення адміністрацыйных працэдур;

10.2. выдае даведкі (выпіскі) з дзяржаўных рэгістраў, рэестраў, кадастраў, спісаў, каталогаў, баз і банкаў даных, іншых інфармацыйных рэсурсаў і сістэм, доступ да якіх арганізаваны ў службе «адно акно», у адпаведнасці з патрабаваннямі заканадаўства аб інфармацыі, інфарматызацыі і абароне інфармацыі;

10.3. тлумачыць абавязак упаўнаважаных органаў самастойна запытваць дакументы і (або) звесткі, неабходныя для ажыццяўлення адміністрацыйных працэдур, за выключэннем тых, якія ўключаны ў пералікі дакументаў і (або) звестак, што прадстаўляюцца зацікаўленымі асобамі, а таксама правы і абавязкі зацікаўленых асоб;

10.4. тлумачыць тэрміны накіравання запытаў у іншыя дзяржаўныя органы, іншыя арганізацыі, парадак унясення платы за выдачу атрыманых па такіх запытах дакументаў і (або) звестак, за прадастаўленне якіх заканадаўствам прадугледжана спагнанне платы, а таксама іншыя пытанні, звязаныя з парадкам падачы заяў, у тым ліку ў электроннай форме, падрыхтоўкі дакументаў і выдачы адміністрацыйных рашэнняў;

10.5. бясплатна прадастаўляе прадугледжаныя заканадаўствам аб адміністрацыйных працэдурах формы (бланкі) дакументаў, неабходных для звароту за ажыццяўленнем адміністрацыйных працэдур, тлумачыць парадак іх запаўнення і прадстаўлення;

10.6. прымае заявы, а таксама дакументы і (або) звесткі, што прадстаўляюцца разам з заявамі, незалежна ад падпарадкавання адміністрацыйных працэдур;

10.7. адмаўляе зацікаўленым асобам у прыняцці заяў у парадку і выпадках, прадугледжаных заканадаўчымі актамі і пастановамі Савета Міністраў Рэспублікі Беларусь;

10.8. рыхтуе да разгляду заявы, а таксама дакументы і (або) звесткі, якія прадстаўляюцца разам з імі, і перадае матэрыялы ў адпаведныя структурныя падраздзяленні райвыканкама, іншыя ўпаўнаважаныя органы і арганізацыі, у тым ліку ў выглядзе электронных дакументаў (пры неабходнасці), падпісаных электронным цыфравым подпісам, выпрацаваным з выкарыстаннем асабістага ключа, сертыфікат адкрытага ключа якога выдадзены рэспубліканскім цярвяністым цэнтрам Дзяржаўнай сістэмы кіравання адкрытымі ключамі праверкі электроннага цыфравго подпісу;

10.9. атрымлівае дакументы і (або) звесткі, неабходныя для ажыццяўлення адміністрацыйных працэдур, у парадку, прадугледжаным у артыкуле 21 Закона Рэспублікі Беларусь ад 28 кастрычніка 2008 г. № 433-З «Аб асновах адміністрацыйных працэдур», у тым ліку з улікам патрабаванняў па абароне інфармацыі атрымлівае дакументы і (або) звесткі, якія змяшчаюць інфармацыю, якая адносіцца да камерцыйнай або іншай ахоўнай законам таямніцы, за выключэннем інфармацыі, якая адносіцца да дзяржаўных сакрэтаў;

10.10. засведчвае дату і спосаб атрымання інфармацыі, неабходнай для ажыццяўлення адміністрацыйных працэдур, атрыманай з дапамогай:

агульнадзяржаўнай аўтаматызаванай інфармацыйнай сістэмы з дзяржаўных рэгістроў, рэестраў, кадастраў, спісаў, каталогаў, баз і банкаў даных, іншых інфармацыйных рэсурсаў і сістэм, інтэграваных у агульнадзяржаўную аўтаматызаваную інфармацыйную сістэму;

накіравання запытаў і атрымання адказаў у выглядзе электронных дакументаў з выкарыстаннем сістэмы міжведамаснага электроннага дакументаабароту дзяржаўных органаў;

10.11. выдае зацікаўленым асобам адміністрацыйныя рашэнні (іх копіі, выпіскі з іх) незалежна ад падведамаснасці адміністрацыйных працэдур;

10.12. тлумачыць парадак і тэрміны абскарджавання прынятых адміністрацыйных рашэнняў;

10.13. выдае зацікаўленым асобам унікальны ідэнтыфікатар у мэтах забеспячэння доступу да адзінага партала электронных паслуг агульнадзяржаўнай аўтаматызаванай інфармацыйнай сістэмы для падачы заяў, атрымання адміністрацыйных рашэнняў (паведамленняў аб прынятых адміністрацыйных рашэннях) і падачы (адклікання) адміністрацыйных скаргаў у электроннай форме;

10.14. вядзе справаводства па заявах ва ўстаноўленым заканадаўствам парадку.

11. Пры звароце зацікаўленых асоб у службу «адзінае акно» за кансультаваннем па адміністрацыйных працэдурах, заявы на ажыццяўленне якіх прымаюцца службай «адзінае акно», не дапускаецца перанакіраванне тых, хто звярнуўся, для атрымання кансультацый у структурныя падраздзяленні райвыканкама, іншыя ўпаўнаважаныя органы і арганізацыі.

У выпадку, калі рашэнне пытання патрабуе наяўнасці вузкаспецыялізаваных ведаў, спецыялісты структурных падраздзяленняў райвыканкама, іншых упаўнаважаных органаў і арганізацый прыцягваюцца ў службу «адзінае акно» ў якасці кансультантаў.

12. Праца службы «адзінае акно» можа быць арганізавана з выкарыстаннем папяровай і (або) электроннай формы ўзаемадзеяння.

13. Райвыканкам:

забяспечвае арганізацыю працоўных месцаў для работнікаў службы «адзінае акно»: наяўнасць неабходнай аргтэхнікі, канцылярскіх прылад, іншых расходных матэрыялаў;

стварае ўмовы для ўзаемадзеяння, у тым ліку электроннага, паміж службай «адзінае акно» і структурнымі падраздзяленнямі райвыканкама, іншымі дзяржаўнымі органамі, іншымі арганізацыямі пры ажыццяўленні адміністрацыйных працэдур з дапамогай выкарыстання праграмнага комплексу «Адзінае акно», іншых падсістэм функцыянальнага прызначэння агульнадзяржаўнай аўтаматызаванай інфармацыйнай сістэмы, іншых інфармацыйных рэсурсаў і сістэм.

14. Прыём зацікаўленых асоб у службе «адзінае акно» ажыццяўляецца:

панядзелак, аўторак, чацвер, пятніца з 8.00 да 17.00, без перапынку на абед,

серада з 8.00 да 20.00, без перапынку на абед,

кожная першая і трэцяя субота месяца з 9.00 да 12.00, без перапынку на абед.

Графік працы спецыялістаў службы «адно акно» зацвярджаецца кіраўніком справамі – начальнікам упраўлення справамі райвыканкама.

У выпадку доўгатэрміновай адсутнасці спецыяліста (спецыялістаў) службы «адно акно» (бальнічны ліст, адпачынак, працяглая камандзіроўка і іншае) рэжым працы службы «адно акно» устанаўліваецца распараджэннем старшыні райвыканкама.

15. Абслугоўванне зацікаўленых асоб у службе «адно акно» ажыццяўляецца ў парадку чаргі і (або) па папярэднім запісе зацікаўленых асоб на прыём.

16. У службе «адно акно» арганізуецца аказанне кансультатыўнай дапамогі па пытаннях ажыццяўлення адміністрацыйных працэдур па адзіным даведачна-інфармацыйным нумары 142.

17. На працоўным месцы і на бейджы работніка службы «адно акно» размяшчаецца інфармацыя аб займаемай работнікам пасадзе, яго прозвішчы, уласным імені, імя па бацьку (калі такое маецца).

18. Агульныя патрабаванні да дзелавога стылю адзення работнікаў службы «адно акно», а таксама да памяшканняў, у якіх размяшчаецца служба «адно акно», устаноўлены пастановай Савета Міністраў Рэспублікі Беларусь ад 17 кастрычніка 2018 г. № 741 «Аб некаторых мерах па рэалізацыі Указа Прэзідэнта Рэспублікі Беларусь ад 24 мая 2018 г. № 202».

19. Інфармацыя аб рабоце службы «адно акно» размяшчаецца на інфармацыйных стэндах райвыканкама, на афіцыйным сайце райвыканкама ў глабальнай камп'ютарнай сетцы Інтэрнэт. 

20. Адказнасць за належнае выкананне службай «адно акно» ускладзеных на яе сапраўдным Палажэннем задач і функцый нясе службовая асоба райвыканкама, якая ажыццяўляе непасрэднае кіраўніцтва арганізацыяй дзейнасці службы «адно акно».