Міёрскі раённы выканаўчы камітэт
Прэзідэнт Беларусі Аляксандр Лукашэнка прапануе Самарскай вобласці Расіі ствараць сумесныя прадпрыемствы, прычым як з улікам ужо існуючых кампетэнцый, так і па новых напрамках. Аб гэтым ён заявіў на сустрэчы з губарнататарам Самарскай вобласці Вячаславам Фядорышавым, перадае карэспандэнт БЕЛТА.
"Мы заўсёды гатовы спрыяць рэалізацыі нашых дамоўленасцей. Калі мы аб чым-небудзь дамовімся, мы абавязкова выканаем дамоўленасці", - запэўніў беларускі лідар. Аляксандр Лукашэнка падкрэсліў, што цэнтральная задача заключаецца ў павелічэнні экспарту прадукцыі нясыравіннага напрамку, развіцці прамысловай кааперацыі і выпуску саюзнай прадукцыі.
"Мы гатовы разам ствараць сумесныя прадпрыемствы, і перш за ўсё ў Самарскай вобласці, бо вельмі магутная ў прамысловым адносінах, перспектыўныя прадпрыемствы (у гэтым расійскім рэгіёне. - Заўв. БЕЛТА). Мы хацелі б супрацоўнічаць з імі. Вядома, у выніку такога супрацоўніцтва мы атрымалі б новыя кампетэнцыі, а вы — добрых, разумных людзей у Беларусі, якія маглі б супрацоўнічаць і ствараць сумесную прадукцыю, - заявіў Прэзідэнт. - Лічу, што нам трэба звяртаць на гэта ўвагу перш за ўсё сёння, не забываючы, вядома ж, і пра традыцыйныя напрамкі супрацоўніцтва, такія як пастаўка нашай тэхнікі ў Самарскую вобласць - той, якая вам патрэбна - пасажырская, грузавая, камунальная, дарожна-будаўнічая, кар'ерная, сельскагаспадарчая, пажарная і іншыя віды".
Кіраўнік дзяржавы адзначыў, што ў Беларусі і ў прамысловасці, і ў сельскай гаспадарцы вырабляюцца ўсе тавары, неабходныя для жыцця. "Лічу, што ў Самарскай вобласці гэта заўсёды будзе запатрабавана, хоць яна і сама ўсё гэта ўмее выпускаць", - сказаў Прэзідэнт.
Ён звярнуў асаблівую ўвагу на галіну станкабудавання, якая, у тым ліку, патрабуецца ў авіяцыйнай прамысловасці, і гэты напрамак развіты ў Самарскай вобласці. У Беларусі ж, сваёй чаргой, станкабудаванне развіваецца з савецкіх часоў, і гэта быў беларускі брэнд на роўні з шэрагам іншых галін. «Станкабудаванне — гэта вельмі магутны напрамак развіцця нашай прамысловасці. Мы захавалі ўсе кампетэнцыі, прадпрыемствы. Вы можаце далучыцца да гэтага. Мы атрымаем добры эфект. Таму мы гатовыя працаваць па станкабудаванні», — прапанаваў кіраўнік дзяржавы.
Яшчэ адна прапанова, якую агучыў Аляксандр Лукашэнка, — вытворчасць камплектуючых для легкавых аўтамабіляў: «У вас там цэлы кластар. У нас ёсць прадпрыемствы, якія вырабляюць камплектуючыя. Можам сумесна супрацоўнічаць. У канчатковым выніку падзяліць гэты вялізны беларуска-расійскі рынак, а таксама разам пастаўляць за мяжу. Не трэба нам канкураваць там, дзе не трэба канкураваць».
Прэзідэнт таксама прапанаваў пастаўляць у гэты расійскі рэгіён беларускае ліфтавае абсталяванне, якое карыстаецца попытам ва многіх краінах свету, асабліва на постсавецкай прасторы.
«Я казаў пра стварэнне сумесных прадпрыемстваў. Самарская вобласць для нас вельмі падыходзіць. Таму што там высокі ўзровень развіцця. Мы таксама імкнёмся атрымліваць як мага больш іннавацыйнай прадукцыі. У гэтым плане ёсць над чым падумаць», — сказаў Аляксандр Лукашэнка.
Ён таксама запэўніў, што Беларусь гатовая пастаўляць у Самарскую вобласць не толькі прамысловыя тавары, але і сельскагаспадарчую прадукцыю, у цэлым развіваць супрацоўніцтва ў АПК: «Расіі прадукты харчавання будуныя патрэбны заўсёды, яны патрэбны і сёння. Таму разам будзем працаваць, вырабляць неабходныя прадукты і прадаваць іх на нашых сумесных рынках».
«Калі нешта цікавае ўбачыце ў Беларусі, мы да вашых паслуг. Гатовыя заўсёды з вамі працаваць і супрацоўнічаць. Гатовыя зрабіць для вас усё, што можам, і нават тое, што зараз не можам, але зможем у перспектыве», — падвёў вынік беларускі лідар.
У апошні час максімальны ўзровень тавараабароту Беларусі з Самарскай вобласцю быў дасягнуты ў 2023 годзе — больш за $3,2 млрд. Для параўнання, у 2020–2021 гадах ён складаў каля $700 млн. Па выніках 2024 года бакі здзейснілі гандлёвых аперацый на $2,8 млрд, а ў студзені – маі 2025 года — амаль на $1 млрд.
Пастаўкі тэхнікі ажыццяўляюцца пераважна праз дэлерскую сетку беларускіх прадпрыемстваў. У цэлым у Беларусі ў дадзеным рэгіёне функцыянуе дастаткова развітая сетка збыту тавараў. Напрыклад, фірмовая гандлёвая сетка канцэрна «Беллегпрам» прадстаўлена 8 крамамі, мэбля прадпрыемства «Пінскдраў» таксама рэалізуецца праз 8 крамаў. Акрамя таго, у Самарскай вобласці пад брэндам «Беларускія прадукты» працуюць больш за паўтара дзясятка крамаў.