Міёрскі раённы выканаўчы камітэт
Прафсаюзы павінны быць магутнай базай для падтрымання стабільнасці ў беларускім грамадстве. Аб гэтым Прэзідэнт Беларусі Аляксандр Лукашэнка заявіў 17 ліпеня, прымаючы з дакладам старшыню Федэрацыі прафсаюзаў Беларусі Юрыя Сянько, перадае карэспандэнт БЕЛТА.
Аляксандр Лукашэнка перш за ўсё пацікавіўся сітуацыяй у прафсаюзах, поглядам на гэтыя працэсы Юрыя Сянько, у якога ўжо было дастаткова часу, каб з моманту свайго абрання разабрацца ў адпаведных пытаннях і ацаніць іх свежым поглядам.
"Я вельмі разлічваю, што прафсаюзы ў нас будуць арганізаванай, магутнай такой базай для таго, каб падтрымліваць стабільнасць у нашым грамадстве, - сказаў кіраўнік дзяржавы. - Яны і цяпер з'яўляюцца, напэўна, самай магутнай "партыйнай" арганізацыяй. І каціруюцца ў сваім арганізацыйным плане вышэй за любую партыю, якая ў нас існуе".
Аляксандр Лукашэнка падкрэсліў, што ніколі не абыходзіць увагай прафсаюзы, у тым ліку калі размова ідзе аб грамадска-палітычнай сітуацыі ў краіне. "Таму што вы заземлены павінны быць, так яно і ёсць у асноўным (месцамі не вельмі), на працоўныя калектывы, на людзей. Таму я заўсёды падтрымліваю прафсаюзы і дзякую вам і нашым прафсаюзам за тое, што яны актыўна ўдзельнічалі ў перадвыбарнай кампаніі і аказалі ў гэтым плане вялікую дапамогу ўсім тым, хто займаўся выбарамі, у тым ліку і мне", - заявіў Прэзідэнт.
- Сянько станоўча ацаніў 30-гадовы вопыт сацыяльнага партнёрства, які склаўся ў Беларусі
- ФПБ: выпадкі несвоечасовай выплаты зарплат у Беларусі зведзены да мінімуму
Што тычыцца магчымых недахопаў, кіраўнік дзяржавы папрасіў далажыць аб гэтым "без прыкрас", тым больш, што Юрый Сянько для прафсаюзнай сферы ў пэўнай ступені - чалавек збоку.
"Ёсць шэраг пытанняў. Я іх напярэдадні, як звычайна, атрымаў, якія вы хацелі б абмеркаваць: звышурочныя работы, уборачная кампанія (мы заўтра таксама пагаворым на гэту тэму), міжнародная дзейнасць. І аб зямельных участках - у нас тэма па краіне ў цэлым існавала і існуе - для таго, каб усталяваць за тымі ці іншымі арганізацыямі зямельныя ўчасткі, якімі яны карыстаюцца "спрадвеку", як у народзе кажуць. Трэба ўсталяваць праваўстаноўчыя дакументы", - пералічыў кола тэм кіраўнік дзяржавы.
Ён таксама папрасіў Юрыя Сянько выказаць сваю ацэнку цяперашняй работы мытнай службы ў Беларусі, улічваючы, што раней ён шмат гадоў працаваў у гэтай сферы, узначальваючы, у тым ліку, Дзяржаўны мытны камітэт. "Усё ж такі генералаў жа былых не бывае. Вы адным вокам пазірайце на тое, як працуе ведамства, у якім вы выраслі", - сказаў Прэзідэнт.